Hanuman Chalisa

 


Composed by Sant Kavi Tulsidas in the 16th century

दोहा 

श्री गुरु चरण सरोज रज,
  निज मन मुकुर सुधारी |
बरनऊ रघुबर बिमल जसु,
  जो दायकु फल चारी ||
shrI gurucharaN saroj raj,
nij man mukur sudhArI
baranau raghubar bimal jasu,
jo dAyaku phal chArI

बुद्धिहीन तनु जानि के, 
सुमिरौं पवन कुमार |
बल बुद्धि विद्या देहुं मोहिं,
हरहुं कलेश विकार ||
buddhihIn tanu jAni ke,
sumirow pavan kumAr
bal buddhi vidyA dehun mohin,
harahun kalesh vikAr




चौपायी 

जय हनुमान ज्ञान गुण सागर |
जय कपीस तिहुं लोक उजागर || (1)
jai hanumAn gyAn guN sAgar
jai kapIs tihun lok ujAgar

राम दूत अतुलित बल धामा |
अंजनी-पुत्र पवन सुत नामा||  (2)
rAm doot atulit bal dhAmA
anjani-putra pavan sut nAmA

महावीर विक्रम बजरंगी |
कुमति निवार सुमति के  संगी || (3)
mahAvIr vikram bajrangI
kumati nivAr sumati ke sangI

कंचन  वरन विराज सुवेसा |
कानन कुंडल कुंचित केसा || (4)
kanchan varan virAj suvesA
kAnan kuNDal kunchit kesA

हाथ वज्र और ध्वजा विराजे |
कांधे मूंज जनेऊ साजे || (5)
hAth vajr aur dhwajA virAje
kAndhe mUnj janeu sAje

शंकर सुवन केसरी नन्दन |
तेज प्रताप महा जग वन्दन || (6)
shankar suvan kesari nandan
tej pratAp mahA jag vandan

विद्यावान गुनी अति चातुर |
राम काज करिबे को आतुर || (7)
vidyAvAn gunI ati chAtur
rAm kAj karibe ko Atur

प्रभु चरित्र सुनिबे को रसिया |
राम लखन सीता मन बसिया || (8)
prabhu charitra sunibe ko rasiyA
rAm lakhan sIta man basiyA

सूक्ष्म रूप धरि सियहिं दिखावा |
विकट रूप धरि  लंक जरावा || (9)
sUkshma rUp dhari siyahin dikhAvA
vikaT rUp dhari lank jarAva

भीम रूप धरि असुर संहारे |
रामचन्द्र के  काज संवारे || (10)
bheem rUp dhari asur samhAre
rAmchandra ke kAj samvAre



लाय संजीवन लखन जियाये |
श्री रघुवीर हरषि  उर लाये || (11)
lAye sanjIvan lakhan jiyAye
shrI raghuvIr harShi ur lAye

रघुपति कीनहीं बहुत बड़ाई |
तुम मम प्रिय  भरतहीं  सम भाई || (12)
raghupati kInhIn bahut baDAI
tum mam priya bharathIn sam bhAI

सहस बदन तुम्हरो जस गावैं |
अस कहि श्रीपति कंठ लगावैं || (13)
sahas badan tumharo jas gAvain
as kahi shrIpati kanT lagAvain

सनकादिक ब्रहमादि मुनीसा |
नारद सारद सहित अहीसा || (14)
sankAdik brahmAdi munIsA
nArad sArad sahit ahIsA

यम कुबेर दिग्पाल जहाँ ते |
कवि-कोबिद कहि सके कहाँ ते || (15)
yam kuber digpAl jahAn te
kavi-kobid kahi sake kahAn te

तुम उपकार सुग्रीवहिं कीन्हा |
राम मिलाय राजपद दीन्हा || (16)
tum upkAr sugrIvahin kInhA
rAm milAye rAjpad dInhA

तुम्हारो मंत्र विभीषण माना |
लंकेश्वर भए सब जग जाना || (17)
tumharo mantr vibhIShaN mAnA
lankeshwar bhaye sab jag jAnA

जुग सहस्त्र  जोजन पर भानू |
लीलयों ताही मधुर फल जानू || (18)
jug sahastra jojan par bhAnu
leelyon tAhi madhur phal jAnu

प्रभु मुद्रिका मेलि मुख माहीं |
जलधि लांघ गये अचरज नाहिं || (19)
prabhu mudrikA meli mukh mAhI
jaladhi lAngh gaye achraj nAhi

दुर्गम काज जगत के जेते |
सुगम अनुग्रह तुम्हरे तेते|| (20)
durgam kAj jagat ke jete
sugam anugraha tumhare tete



राम दुआरे  तुम रखवारे |
होत न आज्ञा बिनु पैसारे || (21)
rAm duAre tum rakhvAre
hot na AgyA binu paisAre

सब सुख लहैं  तुम्हारी सरना |
तुम रक्षक काहू को डरना || (22)
sab sukh lahain tumhAri sarnA
tum rakshak kAhU ko DarnA


आपन तेज सम्हारो आपै |
तीनों लोक हांक ते कांपै || (23)
Apan tej samhAro Apai
tInon lok hAnk te kAnpai

भूत पिशाच निकट नहीं आवै |
महावीर जब नाम सुनावै || (24)
bhoot pishAch nikaT nahin Avai
mahAvIr jab nAm sunAvai

नासै रोग हरै सब पीरा |
जपत निरन्तर हनुमत् बीरा || (25)
nAsai rog harai sab pIrA
japat nirantar hanumat bIrA

संकट ते हनुमान छुडावै |
मन करं वचन ध्यान जो लावै || (26)
sankaT te hanumAn ChuDAvai
man karam vachan dhyAn jo lAvai

सब पर राम तपस्वी राजा |
तिन के काज सकल तुम साजा || (27)
sab par rAm tapasvI rAjA
tin ke kAj sakal tum sAjA

और मनोरथ जो कोई लावै |
सोई अमित जीवन फल पावै || (28)
aur manoraTh jo koi lAvai
soi amit jeevan phal pAvai

चारों जुग परताप तुम्हारा |
हे परसिद्ध् जगत उजियारा || (29)
chAron jug partAp tumhAra
hey parasiddh jagat ujiyArA

साधु संत के तुम रखवारे |
असुर निकन्दन राम दुलारे || (30)
sAdhu sant ke tum rakhwAre
asur nikandan rAm dulAre


अष्ट सिद्धि नव निधि के दाता |
अस वर दीन जानकी माता || (31)
aShT siddhi nava nidhi ke dAtA
as var dIn jAnakI mAtA

राम रसायन तुम्हरे पासा |
सदा रहो रघुपति के दासा || (32)
rAm rasAyan tumhare pAsA
sadA raho raghupati ke dAsA

तुम्हरे भजन राम को पावै ||
जनम जनम के दुख बिसरावै || (33)
tumhare bhajan rAm ko pAvai
janam janam ke dukh bisarAvai

अन्त काल रघुवर पुर जाई |
जहाँ जन्म हरि-भक्त कहाई || (34)
ant kAl raghuvar pur jAyI
jahAn janma hari-bhakt kahAyI

और देवता चित्त न धरई |
हनुमत सेइ सर्व सुख करई || (35)
aur devatA chitta na dharayI
hanumar sei sarva sukh karayI

संकट कटै मिटै सब पीरा |
जो सुमिरै हनुमत बलवीरा || (36)
sankaT kaTai miTai sab pIrA
jo sumirai hanumat balvIrA

जय जय जय हनुमान गोसाई |
कृपा करहूँ गुरु-देवकी नाई || (37)
jai jai jai hanumAn gosAi
krupA karahun guru devakI nAyI

जो शत बार पाठ कर कोई |
छूटहिं बंदी महा सुख होई || (38)
jo shat bAr pATH kar koyI
Chutehin bandi mahA sukh hoyI

जो यह पढै  हनुमान चालीसा |
होय सिद्ध सखी गौरीसा || (39)
jo yah paDHai hanumAn chAlisA
hoy siddh sAkhI gowrIsA

तुलसीदास सदा हरि  चेरा |
कीजै नाथ हृदय महं डेरा || (40)
tulasIdAs sadA hari cherA
kIjai nAth hruday manh DerA

Bhagavad Gita

Bhagavad Gita