Shri Mahaganapati Sahasranama Stotram



Stotram PDF in different languages


Listen to Stotram

|| महागणपतिसहस्रनामस्तोत्रम् ||
mahAgaNapatisahasranAmastotram

(From Ganesha Purana)

मुनिरुवाच - 
muniruvAcha

कथं नाम्नां सहस्रं तं गणेश उपदिष्टवान्
शिवदं तन्ममाचक्ष्व लोकानुग्रहतत्पर ||
katham nAmnAm sahasram tam gaNesha upadiShTavAn
shivadam tanmamAchakshva lokAnugrahatatpara

ब्रह्मोवाच -
brahmOvAcha

देवः पूर्वं पुरारातिः पुरत्रयजयोद्यमे
अनर्चनाद्गणेशस्य जातो विघ्नाकुलः किल ||
devah pUrvam purArAtih puratrayajayodyame
anarchanAdgaNeshasya jAto vighnAkulah kila

मनसा स विनिर्धाय ददृशे विघ्नकारणम्
महागणपतिं भक्त्या समभ्यर्च्य यथाविधि ||
manasA sa vinirdhAya dadrshe vighnakAraNam
mahAgaNapatim bhaktyA samabhyarchya yathAvidhi

विघ्नप्रशमनोपायमपृच्छदपरिश्रमं
संतुष्टः पूजया शम्भोर्महगणपतिः स्वयम् ||
vighnaprashamanopAyamaprucchadaparishramam
santuShTah pUjayA shambhormahAgaNapatih svayam

सर्वविघ्नप्रशमनं सर्वकामफलप्रदम्
ततस्तस्मै स्वयं नाम्नां सहस्रमिदमब्रवीत् ||
sarvavighnaprashamanam sarvakAmaphalapradam
tatastasmai svayam nAmnAm sahasramidamabravIt

अस्य श्रीमहागणपतिसहस्रनामस्तोत्रमालामन्त्रस्य |
asya shrI mahAgaNapatisahasranAmastotramAlamantrasya
गणेश ऋषिः |
gaNesha rshih
महागणपतिर्देवता |
mahAgaNapatirdevatA
नानाविधानिच्छन्दांसि |
nAnAvidhAnicchandAmsi
हुमिति बीजं |
humiti beejam
तुङ्गमिति शक्तिः |
tungamiti shaktih
स्वाहाशक्तिरिति कीलकम् |
svAhAshaktiriti kIlakam
सकलविघ्नविनाशनद्वारा श्रीमहागणपतिप्रसादसिद्ध्यर्थे जपे विनियोगः |
sakalavighnavinAshanadvArA shrImahAgaNapatiprasAdasiddhyarthe jape viniyogah

अथ करण्यास:
atha karaNyAsah

गणेश्र्वरो गणक्रीड इत्यङ्गुष्ठाभ्यां नमः
कुमारगुरुरीशान इति तर्जनीभ्यां नमः ||
gaNeshvaro gaNakrIda ityanguShThAbhyAm namah
kumAragururIshAna iti tarjanIbhyAm namah

ब्रह्माण्डकुम्भश्र्चिद्व्योमेति मध्यमाभ्यां नमः
रक्तो रक्ताम्बरधर इत्यनामिकाभ्यां नमः ||
brahmANDakumbhaschidvyometi madhyamAbhyAm namah
rakto raktAmbaradhara ityanAmikAbhyAm namah

सर्वसद्गुरुसंसेव्य इति कनिष्ठिकाभ्यां नमः
लुप्तविघ्नः स्वभक्तानामिति करतलकरपृष्ठाभ्यां नमः ||
sarvasadgurusamsevya iti kaniShThikAbhyAm namah
luptavighnah svabhaktAnAmiti karatalakarapruShThAbhyAm namah

अथ अङ्गन्यासः
atha anganyAsah

छन्दश्छन्दोद्भव इति हृदयाय नमः |

ChandasChandodbhava iti hrudayAya namah
निष्कलो निर्मल इति शिरसे स्वाहा |
niShkalo nirmala iti shirase svAhA
सृष्टिस्थितिलयक्रीड इति शिखायै वषट्  |
srushTisthitilayakrIDa iti shikhAyai vaShaT
ज्ञानं विज्ञानमानन्द इति कवचाय हुं  |
gyAnam vigyAnamAnanda iti kavachAya hum
अष्टाङ्गयोगफलभृदिति नेत्रत्रयाय वौषट्  |
aShTAngayogaphalabhruditi netratrayAya vauShaT
अनन्तशक्तिसहित इत्यस्त्राय फट्  |
anantashaktisahita ityastrAya phaT
भूर्भुवः स्वरोम् इति दिग्बन्धः  |
bhurbhuvah svarom iti digbandhah

अथ ध्यानम्
atha dhyAnam

गजवदनमचिन्त्यं तीक्ष्णदंष्ट्रम् त्रिनेत्रं
gajavadanamachintyam teekshNadamShtram trinetram
बृहदुदरमशेषं भूतिराजं पुराणं |
bruhadudaramasheSham bhUtirAjam purANam
अमरवरसुपूज्यं रक्तवर्णं सुरेशं
amaravarasupUjyam raktavarNam suresham
पशुपतिसुतमीशं विघ्नराजं नमामि ||
pashupatisutamIsham vighnarAjam namAmi



श्रीगणपतिरुवाच - 
shrIgaNapatiruvAcha

ॐ गणेश्र्वरो गणक्रीडो गणनाथो गणाधिपः |
एकदन्तो वक्रतुण्डो गजवक्त्रो महोदरः ||
Om gaNeshvaro gaNakrIDo gaNanAtho gaNAdhipah
ekadanto vakratunDo gajavaktro mahodarah 

लम्बोदरो धूम्रवर्णो विकटो विघ्ननाशनः |
सुमुखो दुर्मुखो बुद्धो विघ्नराजो गजाननः ||
lambodaro dhoomravarNo vikaTo vighnanAshanah
sumukho durmukho buddho vighnarAjo gajAnanah

भीमः प्रमोद आमोदः सुरानन्दो मदोत्कटः |
हेरंबः शम्बरः शम्भुर्लम्बकर्णो महाबलः ||
bheemah pramoda Amodah surAnando madotkaTah
herambah shambarah shambhurlambakarNo mahAbalah

नन्दनो लंपटो भीमो मेघनादो गणञ्जयः |
विनायको विरूपाक्षो वीरः शूरवरप्रदः ||
nandano lampaTo bheemo meghanAdo gaNanjayah
vinAyako virUpAksho veerah shUravarapradah

महागणपतिर्बुद्धिप्रियः क्षिप्रप्रसादनः |
रुद्रप्रियो गणाध्यक्ष उमापुत्रोऽघनाशनः ||
mahAgaNapatirbuddhipriyah kshipraprasAdanah
rudrapriyo gaNAdhyaksha umaputro'ghanAshanah (5)

कुमारगुरुरीशानपुत्रो मूषकवाहनः |
सिद्धिप्रियः सिद्धिपतिः सिद्धः सिद्धिविनायकः ||
kumAragururIshAnaputro mooShakavAhanah
siddhipriyah siddhipatih siddhah siddhivinAyakah

अविघ्नस्तुबुरुः सिम्हवाहनो मोहिनीप्रियः |
कटङ्कटो राजपुत्रः शाकलः सिम्मितोऽमितः ||
avighnastuburuh simhavAhano mohinIpriyah
kaTankaTo rAjaputrah shAkalah simmito'mitah

कूष्माण्डसामसंभूतिर्दुर्जयो धूर्जयो जयः |
भूपतिर्भुवनपतिर्भूतानां पतिरव्ययः ||
kUShmANDasAmasambhUtirdurjayo dhUrjayo jayah
bhUpatirbhuvanapatirbhUtAnAm patiravyayah

विश्र्वकर्ता विश्र्वमुखो विश्र्वरूपो निधिर्गुणः |
कविः कवीनामृषभो ब्रह्मण्यो ब्रह्मवित्प्रियः ||
vishwakartA vishwamukho vishwarUpo nidhirguNah
kavih kavInAmruShabho brahmaNyo brahmavitpriyah

ज्येष्ठराजो निधिपतिर्निधिप्रियपतिप्रियः |
हिरण्मयपुरान्तः स्थः सूर्यमण्डलमध्यगः ||
jyeShTharAjo nidhipatirnidhipriyapatipriyah
hiraNmayapurAntah sthah sUryamaNDalamadhyagah (10)

कराहतिध्वस्तसिन्धुसलिलः पूषदन्तभित् |
उमाङ्ककेलिकुतुकी मुक्तिदः कुलपावनः ||
karAhatidhvastasindhusalilah pUShadantabhit
umAnkakelikutukI muktidah kulapAvanah

किरीटी कुण्डली हारी वनमाली मनोमयः |
वैमुख्याहतदैत्यश्रीः पादाहतिजितक्षितिः ||
kirItI kuNDalI hArI vanamAlI manomayah
vaimukhyahatadaityashrIh pAdAhatijitakshitih

सद्योजातः स्वर्णमुञ्जमेखली दुर्निमित्तहृत् |
दुःस्वप्नह्रुत्प्रसहनो गुणी नादप्रीतिष्ठितः ||
sadyojAtah svarNamunjamekhalI durnimittahrut
duhsvapnahrutprasahano guNI nAdaprItiShThitah

सुरूपः सर्वनेत्राधिवासो वीरासनाश्रयः |
पीताम्बरः खण्डरदः खण्डवैशाखसंस्थितः ||
surUpah sarvanetrAdhivAso veerAsanAshrayah
pItAmbarah khaNDaradah khaNDavaishAkhasamsthitah

चित्राङ्गः श्यामदशनो भालचन्द्रो हविर्भुजः |
योगाधिपस्तारकस्थः पुरुषो गजकर्णकः ||
chitrAngah shyAmadashano bhAlachandro havirbhujah
yogAdhipastArakasthah puruSho gajakarNakah (15)

गणाधिराजो विजयः स्थिरो गजपतिर्ध्वजी |
देवदेवः स्मरः प्राणदीपको वायुकीलकः ||
gaNAdhirAjo vijayah sthiro gajapatirdhvajI
devadevah smarah prANadIpako vAyukeelakah

विपश्र्चिद्वरदो नादो नादभिन्नमहाचलः |
वराहरदनो मृत्युञ्जयो व्याघ्राजिनाम्बरः ||
vipaschidvarado nAdo nAdabhinnamahAchalah
varAharadano mrtyunjayo vyAghrAjinAmbarah

इच्छाशक्तिभवो देवत्राता दैत्यविमर्दनः |
शम्भुवक्त्रोद्भवः शम्भुकोपहा शम्भुहास्यभूः ||
icchAshaktibhavo devatrAtA daityavimardanah
shambhuvaktrodbhavah shambhukopahA shambhuhAsyabhUh

शम्भुतेजाः शिवाशोकहारी गौरीसुखावहः |
उमाङ्गमलजो गौरीतेजोभूः स्वर्धुनीभवः ||
shambhutejAh shivAshokahArI gaurIsukhAvahah
umAngamalajo gaurItejobhUh svardhuneebhavah

यज्ञकायो महानादो गिरिवर्ष्मा शुभाननः |
सर्वात्मा सर्वदेवात्मा ब्रह्ममूर्धा ककुप्श्रुतिः ||
yagyakAyo mahAnAdo girivarShmA shubhAnanah
sarvAtmA sarvadevAtmA brahmamUrdhA kakupshrutih (20)

ब्रह्माण्डकुम्भाश्र्चिद्व्योमभालः सत्यशिरोरुहः |
जगज्जन्मलयोन्मेषनिमिषोऽग्न्यर्कसोमदृक् ||
brahmANDakumbhAschidvyomabhAlah satyashiroruhah
jagajjanmalayonmeShanimiSho'gnyarkasomadruk

गिरीन्द्रैकरदो धर्माधर्मोष्ठ: सामबृम्हितः |
ग्रहर्क्षदशनो वाणीजिह्वो वासवनासिकः ||
gireendraikarado dharmAdharmoShThah sAmabrahmitah
graharkshadashano vANIjihvo vAsavanAsikah

भ्रूमध्यसंस्थितकरो ब्रह्मविद्यामदोदकः |
कुलाचलांस: सोमार्कघण्टो रुद्रशिरोधरः ||
bhroomadhyasamsthitakaro brahmavidyAmadodakah
kulAchalAmsah somArkaghaNTo rudrashirodharah

नदीनदभुजः सर्पान्गुलीकस्तारकानखः |
व्योमनाभिः श्रीहृदयो मेरुप्रुष्ठोऽर्णवोदरः ||
nadInabhujaj sarpAngulIkastArakAnakhah
vyomanAbhih shrIhrudayo merupruShTho'rNavodarah

कुक्षीस्थयक्षगन्धर्वरक्षः किन्नरमानुषः |
पृथ्वीकटि: सृष्टिलिङ्गः शैलोरुर्दस्त्रजानुकः ||
kukshIsthayakshagandharvarakshah kinnaramAnuShah
pruthvIkaTih sruShTilingah shailorurdastrajAnukah (25)

पातालजङ्घो मुनिपात्कालान्गुष्ठस्त्रयीतनुः |
ज्योतिर्मण्डललाङ्गूलो हृदयालाननिश्र्चलः ||
pAtAlajangho munipAtkAlAnguShThastrayItanuh
jyotirmaNDalalAngUlo hrudayAlAnanischalah

ह्र्त्पद्मकर्णिकाशाली वियत्केलिसरोवरः |
सद्भक्तध्याननिगड: पूजावारिनिवारितः ||
hrutpadmakarNikAshAlI viyatkelisarovarah
sadbhaktadhyAnanigaDah pUjAvArinivAritah

प्रतापि काश्यपो मन्ता गणको विष्टपि बली |
यशस्वी धार्मिको जेता प्रथमः प्रमथेश्र्वरः ||
pratApi kAshyapo gaNako viShTapi balI
yashasvI dhArmiko jetA prathamah pramatheshwarah

चिन्तामणिर्द्वीपपतिः कल्पद्रुमवनालयः |
रत्नमण्डपमध्यस्थो रत्नसिंहासनाश्रयः ||
chintAmaNirdvIpapatih kalpadrumavanAlayah
ratnamaNDapamadhyastho ratnasimhAsanAshrayah

तीव्राशिरोद्धृतपदो ज्वालिनीमौलिलालितः |
नन्दानन्दितपीठश्रीभोर्गदो भूषितासनः ||
teevrAshiroddhrutapado jvAlinImaulilAlitah
nandAnanditapeeTHashrIbhorgadA bhUShitAsanah (30)



सकामदायिनीपीठ: स्फुरदुग्रासनाश्रयः |
तेजोवतीशिरोरत्नं सत्यानित्यावतंसितः ||
sakamadAyinIpeeTHah sphuradugrAsanAshrayah
tejovatIshiroratnam satyAnityAvatamsitah

सविघ्ननाशिनीपीठ: सर्वशक्त्यम्बुजालयः |
लिपिपद्मासनाधारो वह्निधामत्रयालयः ||
savighnanAshinIpeeTHah sarvashaktyambujAlayah
lipipadmAsanAdhAro vahnidhAmatrayAlayah

उन्नतप्रपदो गूढगुल्फः संवृतपार्ष्णिकः |
पीनजङ्घः श्र्लिष्टजानुः स्थूलोरुः प्रोन्नमत्कटि: ||
unnataprapado gUDagulphah samvrutapArShNikah
pInajanghah shrlishTajAnuh sthooloruh pronnamatkaTih

निम्ननाभिः स्थूलकुक्षिः पीनवक्षा बृहद्भुजः |
पीनस्कन्धः कम्बुकण्ठो लम्बोष्ठो लम्बनासिकः ||
nimnanAbhih sthoolakukshih pInavakshA bruhadbhujah
pInaskandhah kambukaNTho lamboShTho lambanAsikah

भग्नवामरदस्तुङ्गसव्यदन्तो महाहनुः |
ह्रस्वनेत्रत्रयः शूर्पकर्णो निबिडमस्तकः ||
bhagnavAmaradastungasavyadanto mahAhanuh
hrasvanetratrayah shUrpakarNo nibiDamastakah (35)

स्तबकाकारकुम्भाग्रो रत्नमौलिर्निरन्कुशः |
सर्पहारकटीसूत्रः सर्पयज्ञोपवीतवान् ||
stabakAkArakumbhAgro ratnamoulirnirankushah
sarpahArakaTeesUtrah sarpayagyopavItavAn

सर्पकोटीरकटकः सर्पग्रैवेयकाङ्गदः |
सर्पकक्षोदराबन्धः सर्पराजोत्तरच्छदः ||
sarpakoTIrakaTakah sarpagraiveyakAngadah
sarpakakshodarAbandhah sarparAjottaracchadah

रक्तो रक्ताम्बरधरो रक्तमालाविभूषणः |
रक्तेक्षणो रक्तकरो रक्ताल्वोष्ठपल्लवः ||
rakto raktAmbaradharo raktamAlAvibhUShaNah
raktekshaNo raktakaro raktAlvoShThapallavah

श्र्वेत: श्र्वेतांबरधरः श्र्वेतमालाविभूषण: |
श्र्वेतातपत्ररुचिर: श्र्वेतचामरवीजित: ||
shwetah shwetAmbaradharah shwetamAlAvibhUShaNah
shwetAtapatraruchirah shwetachAmaravIjitah

सर्वावयवसंपूर्णः सर्वलक्षणलक्षितः |
सर्वाभरणशोभाढ्यः सर्वशोभासमन्वितः ||
sarvAvayasampUrNah sarvalakshaNalakshitah
sarvAbharaNashobhADhyah sarvashobhAsamanvitah (40)

सर्वमङ्गलमाङ्गल्यः सर्वकारणकारणं |
सर्वदेववरः शार्ङ्गी बीजपूरी गदाधरः ||
sarvamangalamAngalyah sarvakAraNakAraNam
sarvadevavarah shArngI beejapUrI gadAdharah

शुभाङ्गो लोकसारङ्गः सुतन्तुस्तन्तुवर्धनः |
किरीटि कुण्डली वारी वनमाली शुभाङ्गदः ||
shubhAngo lokasArangah sutantustantuvardhanah
kirITi kuNDalI vArI vanamAlee shubhAngadah

इक्षुचापधरः शूली चक्रपाणिः सरोजभृत |
पाशी धृतोत्पलः शालिमञ्जरीभृत्स्वदन्तभ्रुत् ||
ikshuchApadharah shUlee chakrapANih sarojabhrut
pAshI dhrutotpalah shAlimanjarIbhrutsvadantabhrut

कल्पवल्लीधरो विश्र्वाभयदैककरो वशी |
अक्षमालाधरो ज्ञानमुद्रावान् मुद्गरायुधः ||
kalpavallIdharo vishwAbhayadaikakaro vashI
akshamAlAdharo gyAnamudrAvAn mudgarAyudhah

पूर्णपात्री कम्बुधरो विध्रुतान्कुशमूलकः |
करस्थाम्रफलश्र्चूतकलिकाभृत्कुठारवान् ||
pUrNapAtrI kambudharo vidhrutAnkushamoolakah
karasthAmraphalaschUtakalikAbhrutkuTHAravAn (45)

पुष्करस्थस्वर्णघटीपूर्णरत्नाभिवर्षकः |
भारतीसुन्दरीनाथो विनायकरतिप्रियः ||
puShkarasthasvarNaghaTIpUrNaratnAbhivarShakah
bhAratIsundarInATho vinAyakaratipriyah

महालक्ष्मीप्रियतमः सिद्धलक्ष्मीमनोरमः |
रमारमेशपूर्वाङ्गो दक्षिणोमामहेश्र्वर: ||
mahAlakshmIpriyatamah siddhalakshmImanoramah
ramArameshapUrvAngo dakshiNomAmaheshwarah

महीवराहवामाङ्गो रतिकन्दर्पपश्र्चिमः |
आमोदमोदजननः संप्रमोदप्रमोदनः ||
mahIvarAhavAmAngo ratikandarpapaschimah
Amodamodajananah sampramodapramodanah

संवर्धितमहावृद्धिर्ऋद्धिसिद्धिप्रवर्धनः |
दन्तसौमुख्यसुमुखः कान्तिकन्दलिताश्रयः ||
samvardhitamahAvruddhirRuddhisiddhipravardhanah
dantasaumukhyasumukhah kAntikandalitAshrayah

मदनावत्याश्रिताङ्घ्रि: कृतवैमुख्यदुर्मुखः |
विघ्नसंपल्लवः पद्मः सर्वोन्नतमदद्रवः ||
madanAvatyAshritAnghri krutavaimukhyadurmukhah
vighnasampallavah padmah sarvonnatamadadravah (50)

विघ्नकृन्निम्नचरणो द्राविणीशक्तिसत्कृतः |
तीव्राप्रसन्ननयनो ज्वालिनीपालितैकदृक् ||
vighnakrunnimnacharaNo drAviNeeshaktisatkrutah
tIvrAprasannanayano jvAlinIpAlitaikadruk

मोहिनीमोहनो भोगदायिनीकान्तिमण्डन: |
कामिनीकान्तवक्रश्रीरधष्ठितवसुन्धरः ||
mohinImohano bhogadAyinIkAntimaNDanah
kAminIkAntavakrashrIradhiShThitavasundharah

वसुधारमदोन्नादो महाशङ्खिनिधिप्रियः |
नमद्वसुमतीमाली महापद्मनिधिः प्रभुः ||
vasudhAramadonAdo mahAshankhinidhipriyah
namadvasumatImAlee mahApadminidhih prabhuh

सर्वसद्गुरुसंसेव्यः शोचिष्केशह्रुदाश्रयः |
ईशानमूर्धा देवेन्द्रशिखः पवननन्दनः ||
sarvasadgurusamsevyah shochiShkeshahrudAshrayah
IshAnamUrdhAdevendrashikhah pavananandanah

प्रत्युग्रनयनो दिव्यो दिव्यास्त्रशतपर्वधृक् |
ऐरावतादिसर्वाशावारणो वारणप्रियः || 
pratyugranayano divyo divyAstrashataparvadhruk
airAvatAdhisarvAshAvAraNo vAraNapriyah (55)

वज्राद्यस्त्रपरीवारो गणचन्डसमाश्रयः |
जयाजयपरिकरो विजयाविजयावहः ||
vajrAdyastraparIvAro gaNachanDasamAshrayah
jayAjayaparikaro vijayAvijayAvahah

अजयार्चितपादाब्जो नित्यानन्दवनस्थितः |
विलासिनीकृतोल्लासः शौण्डी सौन्दर्यमण्डितः ||
ajayArchitapAdAbjo nityAnandavanasthitah
vilAsinIkrutollAsah shaunDee soundaryamaNDitah

अनन्तानन्तसुखदः सुमङ्गलसुमङ्गलः |
ज्ञानाश्रयः क्रियाधार इच्छाशक्तिनिषेवितः ||
anantAnantasukhadah sumangalasumangalah
gyAnAshrayah kriyAdhAra icchAshaktiniShevitah

सुभगासंश्रितपदो ललिताललिताश्रयः |
कामिनीपालनः कामकामिनीकेलिलालितः ||
subhagAsamshritapado lalitAlalitAshrayah
kAminIpAlanah kAmakAminIkelilAlitah

सरस्वत्याश्रयो गौरीनन्दनः श्रीनिकेतनः |
गुरुगुप्तपदो वाचासिद्धो वागीश्र्वरीपतिः ||
sarasvatyAshrayo gaurInandanah shrIniketanah
guruguptapado vAchAsiddho vAgeeshwarIpatih (60)



नलिनीकामुको वामारामो ज्येष्ठामनोरमेः |
रौद्रीमुद्रितपादाब्जो हुम्बीजस्तुङ्गशक्तिकः ||
nalinIkAmuko vAmArAmo jyeShThAmanorameh
raudreemudritapAdAbjo humbeejastungashaktikah


विश्वादिजननत्राण: स्वाहाशक्तिः सकीलकः |
अमृताब्धिकृतावासो मदघूर्णितलोचनः ||
vishwAdijananatrANah svAhAshaktih sakeelakah
amrutAbdhikrutAvAso madaghUrNitalochanah

उच्छिष्ठोच्छिष्टगणको गणेशो गणनायकः |
सार्वकालिकसंसिद्धिर्नित्यसेव्यो दिगम्बरः ||
ucchiShThocchiShTagaNako gaNesho gaNanAyakah
sArvakAlikasamsiddhirnityasevyo digambarah

अनपायोऽनन्तदृष्टिरप्रमेयोऽजरामरः |
अनाविलोऽप्रतिहतिरच्युतोऽमृतमक्षरः ||
anapAyo'nantadrushTiraprameyo'jarAmarah
anAvilo'pratihatirachyuto'mrutamaksharah

अप्रतर्क्योऽक्षयोऽजय्योऽनाधारोऽनामयोऽमलः |
अमेयसिद्धिरद्वैतमघोरोऽग्निसमाननः ||
apratarkyo'kshayo'jayyo'nAdhAro'nAmayo'malah
ameyasiddhiradvaitamaghoro'gnisamAnanah (65)

अनाकारोऽब्धिभूम्यग्निबलघ्नोऽव्यक्तलक्षणः |
आधार पीठमाधार आधाराधेयवर्जितः ||
anAkAro'bdhibhUmyAgnibalaghno'vyaktalakshaNah
AdhAra pIThamAdhAra AdhArAdheyavarjitah

आखुकेतन आशापूरक आखुमहारथः |
इक्षुसागरमध्यस्थ इक्षुभक्षणलालसः ||
Akhuketana AshApUraka AkhumahArathah
ikshusAgaramadhyastha ikshubhakshaNalAlasah

इक्षुचापातिरेकश्रीरिक्षुचापनिषेवितः |
इन्द्रगोपसमानश्रीरिन्द्रनीलसमद्युतिः || 
ikshuchApAtirekashrIrikshuchapaniShevitah
indragopasamAnashrIrindraneelasamadyutih

इन्दीवरदलश्याम इन्दुमण्डलमण्डितः |
इध्मप्रिय इडाभाग इडावानिन्दिराप्रियः ||
indeevaradalashyAma indumaNDalamaNDitah
idhmapriya iDAbhAga iDAvAnindirApriyah

इक्ष्वाकुविघ्नविध्वंसी इतिकर्तव्यतेप्सितः |
ईशानमौलिरीशान ईशानप्रिय ईतिहा ||
ikshvAkuvighnavidhvamsI itikartavyatepsitah
IshAnamoulirIshAna IshAnapriya ItihA (70)

ईषणात्रयकल्पान्त ईहामात्रविवर्जितः |
उपेन्द्र उडुभृन्मौलीरुडुनाथकरप्रियः ||
IShaaNaatrayakalpAnta IhAmAtravivarjitah
upendra uDubhrunmoulIruDunAthakarapriyah

उन्नतानन उत्तुङ्ग उदारस्त्रिदशाग्रणी: |
ऊर्जवस्वानूष्मलमद ऊहापोहदुरासदः ||
unnatAnana uttunga udArastridashAgraNIh
UrjavasvAnUShmalamada UhApohadurAsadah

ॠग्यजुःसामनयन ॠद्धिसिद्धिसमर्पकः |
ॠजुचित्तैकसुलभो ॠणत्रयविमोचनः ||
Rugyajuh sAmanayana Ruddhisiddhisamarpakah
Rujuchittaikasulabho RuNatrayavimochanah

लुप्तविघ्नः स्वभक्तानां लुप्तशक्तिः सुरद्विषाम् |
लुप्तश्रीर्विमुखार्चानां लूताविस्फोटनाशनः ||
luptavighnah svabhaktAnAm luptashaktih suradviShAm
luptashrIrvimukhArchAnAm lootAvisphoTanAshanah

एकारपीठमध्यस्थ एकपादकृतासनः |
एजिताखिलदैत्यश्रीरेधिताखीलसंश्रयः ||
ekArapeeThamadhyastha ekapAdakrutAsanah
ejitAkhiladaityashrIredhitAkhIlasamshrayah (75)

ऐश्वर्यनिधिरैश्र्वर्यमौहिकामुष्मिकप्रदः
ऐरंमदसमोन्मेष ऐरावतसमाननः ||
aishwaryanidhiraishwaryamauhikAmuShmikapradah
airammadasamonmeSha airAvatasamAnanah

ओंकारवाच्य ओंकार ओजस्वानोषधीपतिः |
औदार्यनिधिरौद्धत्यधैर्य औन्नत्यनिः समः ||
OmkAravAchya OmkAra ojasvAnoShadhIpatih
audAryanidhirauddhatyadhairya aunnatyanih samah

अङ्कुशः सुरनागानमङ्कुशाकारसंस्थितिः |
अः समस्तविसर्गान्तपदेषु परिकीर्तितः ||
ankushah suranAgAnamankushAkArasamsthitih
ah samastavisargAntapadeShu parikIrtitah

कमण्डलुधरः कल्पः कपर्दी कलभाननः |
कर्मसाक्षी कर्मकर्ता कर्माकर्मफलप्रदः ||
kamaNDaludharah kalpah karpadI kalabhAnanah
karmasAkshI karmakartA karmAkarmaphalapradah

कदम्बगोलकाकारः कूष्माण्डगणनायकः |
कारुण्यदेहः कपिलः कथकः कटिसूत्रभृत ||
kadambagolakAkArah kUShmADagaNanAyakah
kAruNyadehah kapilah kathakah kaTisUtrabhruta (80)

खर्वः खड्गप्रियः खड्गः खान्तान्तःस्थः खनिर्मलः |
खल्वाटशृङ्गनिलयः खट्वाङ्गी खदुरासदः ||
kharvah khaDgapriyah khaDgah khaantaantahsthah khanirmalah
khalvATashrunganilayah khaTvAngI khadurAsadah

गुणाढ्यो गहनो गद्यो गद्यपद्यसुधार्णवः |
गद्यगानप्रियो गर्जो गीतगीर्वाणपूर्वजः ||
guNADyo gahano gadyo gadyapadyasudhArNavah
gadyagAnapriyo garjI gItagIrvANapUrvajah

गुह्याचाररतो गुह्यो गुह्यागमनिरूपितः |
गुहाशयो गुडाब्धिस्थो गुरुगम्यो गुरुर्गुरुः ||
guhyAchArarato guhyo guhyAgamanirUpitah
guhAshayo guDAbdhistho gurugamyo gururguruh

घण्टाघर्घरिकामाली घटकुम्भो घटोदरः |
ङकारवाच्यो ङकारो ङकाराकारशुण्डभृत् ||
ghaNTAghrgharikAmAlI ghTakumbho ghaTodarah
nkAravAchyo nkAro nkArAkArashuNDabhrt

चण्डश्रचण्डेश्वरश्र्चण्डी चण्डेशश्र्चण्डविक्रमः |
चराचरपिता चिन्तामणिश्र्चर्वणलालसः ||
chaNDaschanDeshwarashchaNDI chaNDeshchanDavikramah
charAcharapitA chintAmaNishcharvaNalAlasah (85)

छन्दश्छन्दोद्भवश्छन्दो दुर्लक्ष्यश्छन्दविग्रहः |
जगद्योनिर्जगत्साक्षी जगदीशो जगन्मयः ||
ChandasChandodbhavasChando durlakshyasChandavigrahah
jagadyonirjagatsAkshI jagadeesho jaganmayah

जप्यो जपपरो जाप्यो जिह्वासिंहासनप्रभुः |
स्रवद्गण्डोल्लसद्धानझङ्कारीभ्रमराकुलः ||
japyo japaparo jApyo jihvAsimhAsanaprabhuh
sravadganDollasaddhAnajhankArIbhramarAkulah

टङ्कारस्फारसंरावष्टङ्कारमणिनूपुरः |
ठद्वयीपल्लवान्तस्थसर्वमन्त्रेषु सिद्धिदः ||
TankArasphArasamrAvaShTankAramaNinUpurah
ThadvayIpallavAntasthasarvamantreShu siddhidah

डिण्डिमुण्डो डाकिनीशो डामरो डिण्डिमप्रियः |
ढक्कानिनादमुदितो ढौन्को ढुण्ढिविनायकः ||
DinDimuNDo DAkinIsho Daamaro DinDimapriyah
DhakkAninAdamudito Dhounko DhuNDhivinAyakah

तत्त्वानां प्रकृतिस्तत्त्वं तत्त्वंपदनिरूपितः |
ताराकान्तरसंस्थानस्तारकस्तारकान्तकः ||
tattvAnAm prakrutistattvam tattvampadaniroopitah
tArAkAntarasamsthAnastArakastArakAntakah (90)



स्थाणुः स्थाणुप्रियः स्थाता स्थावरं जङ्गमं जगत् |
दक्षयज्ञप्रमथानो दाता दानं दमो दया ||
sthANuh sthANupriyah sthAtA sthAvaram jangamam jagat
dakshayagyapramathano dAtA dAnam damo dayA

दयावान्दिव्यविभवो दण्डभृद्दण्डनायकः |
दन्तप्रभिन्नाभ्रमालो दैत्यवारणदारण: ||
dayAvAndivyavibhavo daNDabhruddaNDanAyakah
dantaprabhinnAbhramAlo daityavAraNadAraNah

दंष्ट्रालग्नद्वीपघटो देवार्थनृगजाकृतिः |
धनं धनपतेर्बन्धुर्धनदो धरणीधरः ||
damShtrAlagnadvIpaghaTo devArthanrugajAkrutih
dhanam dhanapaterbandhurdhanado dharaNeedharah

ध्यानैकप्रकटो ध्येयो ध्यानम् ध्यानपरायणः |
ध्वनिप्रकृतिचीत्कारो ब्रह्माण्डावलिमेखलः ||
dhyAnaikaprakaTo dhyeyo dhyAnam dhyAnaparAyaNah
dhvaniprakrutichItkAro brahmANDAvalimekhalah

नन्द्यो नन्दिप्रियो नादो नादमध्यमप्रतिष्ठितः |
निष्कलो निर्मलो नित्यो नित्यानित्यो निरामयः ||
nandyo nandipriyo nAdo nAdamadhyamapratiShThitah
niShkalo nirmalo nityo nityAnityo nirAmayah (95)

परम् व्योम परम् धाम परमात्मा परम् पदं ||
param vyoma param dhAma paramAtmA param padam

परात्परः पशुपतिः पशुपाशविमोचनः |
पूर्णानन्दः परानन्दः पुराणपुरुषोत्तमः ||
parAtparah pashupatih pashupAshavimochanah
pUrNAnandah parAnandah purANapuruShottamah

पद्मप्रसन्नवदनः प्रणताज्ञाननाशनः |
प्रमाणप्रत्ययातीतः प्रणतार्तिनिवारणः ||
padmaprasannavadanah praNatAgyAnanAshanah
pramANapratyayAteetah praNatArtinivAraNah

फणिहस्तः फणिपतिः पूत्कारः फणितप्रियः |
बाणार्चितान्घ्रियुगलो बालकेलिकुतूहली |
ब्रह्म ब्रह्मार्चितपदो ब्रह्मचारी बृहस्पतिः ||
phaNihastah phaNipatih pUtkArah phaNitapriyah
bANArchitAnghriyugalo bAlakelikutUhalI
brahma brahmArchitapado brahmachArI bruhaspatih

बृहत्तमो ब्रह्मपरो ब्रह्मण्यो ब्रह्मवित्प्रियः |
बृहन्नादाग्र्यचीत्कारो ब्रह्माण्डावलिमेखलः ||
bruhattamo brahmaparo brahmaNyo brahmavitpriyah
bruhannAdAgryachItkAro brahmANDAvalimekhalah (100)

भ्रूक्षेपदत्तलक्ष्मीको भर्गो भद्रो भयापहः |
भगवान् भक्तिसुलभो भूतिदो भूतिभूषणः ||
bhrUkshepadattalakshmIko bhargo bhadro bhayApahah
bhagavAn bhaktisulabho bhUtido bhUtibhUShaNah

भव्यो भूतालयो भोगदाता भ्रूमध्यगोचरः |
मन्त्रो मन्त्रपतिर्मन्त्री मदमत्तो मनो मयः ||
bhavyo bhUtAlayo bhogadAtA bhrUmadhyagocharah
mantro mantrapatirmantrI madamatto mano mayah

मेखलाहीश्र्वरो मन्दगतिर्मन्दनिभेक्षणः |
महाबलो महावीर्यो महाप्राणो महामनाः ||
mekhalAhIshwaro mandagatirmandanibhekshaNah
mahAbalo mahAvIryo mahAprANo mahAmanAh

यज्ञो यज्ञपतिर्यज्ञगोप्ता यज्ञफलप्रदः |
यशस्करो योगगम्यो याज्ञिको याजकप्रियः ||
yagyo yagyapatiryagyagoptA yagyaphalapradah
yashaskaro yogagamyo yAgyiko yAjakapriyah

रसो रसप्रियो रस्यो रञ्जको रावणार्चितः |
राज्यरक्षाकरो रत्नगर्भो राज्यसुखप्रदः ||
raso rasapriyo rasyo ranjako rAvaNArchitah
rAjyarakshAkaro ratnagarbho rAjyasukhapradah (105)

लक्षो लक्षपतिर्लक्ष्यो लयस्थो लड् डुकप्रियः |
लासप्रियो लास्यपरो लाभकृल्लोकविश्रुतः ||
laksho lakshapatirlakshyo layastho laDDukapriyah
lAsapriyo lAsyaparo lAbhakrullokavishtutah

वरेण्यो वह्निवदनो वन्द्यो वेदान्तगोचरः |
विकर्ता विश्र्वतश्र्चक्षुर्विधाता विश्र्वतोमुखः ||
vareNyo vahnivadano vandyo vedAntagocharah
vikartA vishwatachakshurvidhAtA vishwatomukhah

वामदेवो विश्र्वनाथो वज्रिवज्रनिवारणः |
विवस्वद्बन्धनो विश्र्वधारो विश्र्वेश्र्वरो विभुः ||
vAmadevo vishwanAtho vajrivajranivAraNah
vivasvadbandhano vishwadhAro vishweshwaro vibhuh

शब्दब्रह्म शमप्राप्यः शंभुशक्ति गणेश्वरः |
शास्ता शिखाग्रनिलयः शरण्यः शम्बरेश्र्वर: ||
shabdabrahma shAmaprApyah shambhushakti gaNeshwarah
shAstA shikhAgranilayah sharaNyah shambareshwarah

षडृतुकुसुमस्रग्वी षडाधार: षडक्षरः |
संसारवैद्यः सर्वज्ञः सर्वभेषजभेषजम् ||
ShaDrutukusumasragvI ShaDAdhArah ShaDaksharah
samsAravaidyah sarvagyah sarvabheShajabheShajam (110)

सृष्टिस्थितिलयक्रीड: सुरकुञ्जरभेदकः |
सिन्दूरितमहाकुम्भ सदसद्भक्तिदायकः ||
srushtisthitilayakrIDah surakunjarabhedakah
sindUritamahAkumbha sadasadbhaktidAyakah

साक्षी समुद्रमथनः स्वयंवेद्यः स्वदक्षिणः |
स्वतन्त्रः सत्यसंकल्पः सामगानरतः सुखी ||
sAkshI samudramathanah svayamvedyah svadakshiNah
svatantrah satyasankalpah sAmagAnaratah sukhI

हंसो हस्तिपिशाचीशो हवनं हव्यकव्यभुक् |
हव्यं हुतप्रियो हृष्टो हृल्लेखामन्त्रमध्यगः ||
hamso hastipishAchIsho havanam havyakavyabhuk
havyam hutapriyo hrushTo hrullekhAmantramadhyagah

क्षेत्राधिपः क्षमाभर्ता क्षमाक्षमपरायणः |
क्षिप्रक्षेमकरः क्षेमानन्दः क्षोणीसुरद्रुमः ||
kshetrAdhipah kshamAbhartA kshamAkshamaparAyaNah
kshiprakshemakarah kshemAnandah kshonIsuradrumah

धर्मप्रदोऽर्थदः कामदाता सौभाग्यवर्धनः |
विद्याप्रदो विभवदो भुक्तिमुक्तिफलप्रदः ||
dharmaprado'rthadah kAmadAtA sowbhAgyavardhanah
vidyAprado vibhavado bhuktimuktiphalapradah (115)

आभिरूप्यकरो वीरश्रीप्रदो विजयप्रदः |
सर्ववश्यकरो गर्भदोषहा पुत्रपौत्रदः ||
Abhiroopyakaro vIrashrIprado vijayapradah
sarvavashyakaro garbhadoShahA putrapautradah

मेधादः कीर्तिदः शोकहारी दौर्भाग्यनाशनः |
प्रतिवादिमुखस्तम्भो रुष्टचित्तप्रसादनः ||
medhAdah kIrtidah shokahArI daurbhAgyanAshanah
prativAdimukhastambho rushTachittaprasAdanam

पराभिचारशमनो दुःखहा बन्धमोक्षदः |
लवस्त्रुटि: कला काष्ठा निमेषस्तत्परक्षणः ||
parAbhichArashamano dukhahA bandhamokshadah
lavastruTih kalA kAShTA nimeShastatparakshaNah

घटी मुहूर्तः प्रहरो दिवा नक्तमहर्निशं |
पक्षो मासर्त्वयनाब्दयुगं कल्पो महालयः ||
ghaTee muhUrtah praharo divA naktamaharnisham
paksho mAsartvayanAbdayugam kalpo mahAlayah

राशिस्तारा तिथिर्योगो वारः करणमंशकं |
लग्नं होरा कालचक्रं मेरुः सप्तर्षयो ध्रुवः ||
rAshistArA tithiryogo vArah karaNamamshakam
lagnam horA kAlachakram meruh saptarshayo dhruvah (120)


राहुर्मन्दः कविर्जीवो बुधो भौमः  शशी रविः |
कालः सृष्टिः स्थितिर्विश्वम् स्थावरं जङ्गमं जगत् ||
rAhurmandah kavirjIvo budho bhaumah shashI ravih
kAlah sruShTih sthitirvishwam sthAvaram jangamam jagat

भूरापोऽग्निर्मरुव्द्योमाहंकृतिः प्रकृतिः पुमान् |
ब्रह्मा विष्णुः शिवो रुद्र ईशः शक्तिः सदाशिवः ||
bhUrApognirmarudvyomAhamkrutih prakrutih pumAn
brahmA viShNuh shivo rudra Ishah shaktih sadAshivah

त्रिदशाः पितरः सिद्धा यक्षा रक्षांसि किन्नराः |
सिद्धविद्याधरा भूता मनुष्याः पशवः खगाः ||
tridashAh pitarah siddhA yakshA rakshAmsi kinnarAh
siddhavidyAdharA bhUtA manuShyAh pashavah khagAh

समुद्राः सरितः शैला भूतं भव्यं भवोद्भवः |
साङ्ख्यं पातञ्जलं योगं पुराणानि श्रुतिः स्मृतिः ||
samudrAh saritah shailA bhUtam bhavyam bhavodbhavah
sAnkhyam pAtanjalam yogam purANAni shrutih smrutih

वेदाङ्गानि सदाचारो मीमांसा न्यायविस्तरः |
आयुर्वेदो धनुर्वेदो गान्धर्वं काव्यनाटकम् ||
vedAngAni sadAchAro mImAsA nyAyavistarah
Ayurvedo dhanurvedo gandharvam kAvyanATakam (125)

वैखानसं भागवतं मानुषं पाञ्चरात्रकम् |
शैवं पाशुपतं कालामुखंभैरवशासनम् ||
vaikhAnasam bhAgavatam mAnuSham pAncharAtrakam
shaivam pAshupatam kAlAmukhambhairvashAsanam

शाक्तं वैनायकं सौरं जैनमार्हतसंहिता |
सदसद्व्यक्तमव्यक्तं सचेतनमचेतनम् ||
shAktam vainAyakam sauram jainamArhatasamhitA
sadasadvyaktamavyaktam sachetanamachetanam

बन्धो मोक्षः सुखम् भोगो योगः सत्यमणुर्महान् |
स्वस्ति हुंफट् स्वधा स्वाहा श्रौषट् वौषट् वषन् नमः ||
bandho mokshah sukham bhogo yogah satyamaNurmahAn
svasti humphaT svadhA svAhA shrouShaT vauShaT vaShan namah

ज्ञानं विज्ञानमानन्दो बोधः संवित्समोऽसमः |
एकएकाक्षराधार एकाक्षरपरायणः ||
gyAnam vigyAnamAnando bodhah samvitsamo'samah
eka ekAksharAdhAra ekAksharaparAyaNah

एकाग्रधीरेकवीर एकोऽनेकस्वरूपधृक् |
द्विरूपो द्विभुजो द्व्यक्षो द्विरदो द्वीपरक्षकः ||

ekAgradhErekavEra eko'nekasvarUpadhrk
dvirUpo dvibhujo dvyaksho dvirado dvIparakshakah (130)

द्वैमातुरो द्विवदनो द्वन्द्वहीनो द्वयातिगः |
त्रिधामा त्रिकरस्त्रेता त्रिवर्गफलदायकः ||
dvaimAturo dvivadano dvandvahIno dvayAtigah
tridhAmA trikarastretA trivargaphaladAyakah

त्रिगुणात्मा त्रिलोकादिस्त्रिशक्तीशस्त्रिलोचनः |
चतुर्विधवचोवृत्तिपरिवृत्तिप्रवर्तकः ||
triguNAtmA trilokAdistrishaktIshastrilochanah
chaturvidhavachovruttiparivruttipravartakah

चतुर्बाहुश्र्चतुर्दन्तश्र्चतुरात्मा चतुर्भुजः |
चतुर्विधोपायमयश्र्चतुर्वर्णाश्रमाश्रयः ||
chaturbAhuschaturdantaschaturAtmA chaturbhujah
chaturvidhopAyamayaschaturvarNAshramAshrayah

चतुर्थीपूजनप्रीतश्र्चतुर्थितिथिसंभवः |
पञ्चाक्षरात्मा पञ्चात्मा पञ्चास्यः पञ्चकृत्तमः ||
chaturpUjanaprItaschaturthitithisambhavah
panchAksharAtmA panchAtmA panchAsyah panchakruttamah

पञ्चाधारः पञ्चवर्णः पञ्चाक्षरपरायणः |
पञ्चतालः पञ्चकरः पञ्चप्रणवमातृक: ||
panchAdhArah panchavarNah panchAksharaparAyaNah
panchatAlah panchakarah panchapraNavamAtrukah (135)

पञ्चब्रह्ममयस्फूर्तिः पन्चावरणवारितः |
पञ्चभक्षप्रियः पञ्चबाणः पञ्चशिखात्मकः ||
panchabrahmamayasphUrthih panchAvaraNavAritah
panchabhakshApriyah panchabANah panchashikhAtmakah

षट्कोणपीठः षट्चक्रधामा षड्ग्रान्थिभेदकः |
षडन्गध्वान्तविध्वम्सी षडन्गुलमहाह्रदः ||
ShaTkoNapeeThah ShaTchakradhAmA ShaDgrAnthibhedakah
ShaDangadhavAntavidhwAmsi ShaDangulamahAhradah

षण्मुखः षण्मुखभ्राता षट्शक्तिपरिवारितः |
षड्वैरिवर्गविध्वंसी षडूर्मिभयभन्जनः ||
ShaNmukhah ShaNmukhabhrAtA ShaTshaktiparivAritah
ShaDvaivargavidhvAmsi ShaDUrmibhayabhanjanah

षट्तर्कदूरः षट्कर्मा षड्गुण: षड्साश्रयः |
सप्तपातालचरणः सप्तद्वीपोरुमण्डलः ||
ShaTtarkadoorah ShaTkarmA ShaDguNah ShaDsAshrayah
saptapAtAlacharaNah saptadvIporumaNDalah

सप्तस्वर्लोकमुकुटः सप्तसप्तिवरप्रदः |
सप्ताङ्गराज्यसुखदः सप्तर्षिगणवन्दितः ||
saptasvarlokamukuTah saptasaptivarapradah
saptAngarAjyasukhadah saptarShigaNavanditah (140)

सप्तच्छन्दोनिधिः सप्तहोत्र: सप्तस्वराश्रयः |
सप्ताब्धिकेलिकासरः सप्तमातृनिषेवितः ||
saptacchandonidhih saptahotrah saptasvarAshrayah
saptAbdhikelikAsarah saptamAtruniShevitah

सप्तच्छन्दो मोदमदः सप्तच्छन्दो मखप्रभुः |
अष्टमूर्तिर्ध्येयमूर्तिरष्टप्रकृतिकारणम् ||
saptacchando modamadah saptacchando makhaprabhuh
aShTamUrtirdhyeyamUrtiraShTaprakrutikAraNam

अष्टाङ्गयोगफलभृदष्टपत्राम्बुजासनः |
अष्टशक्तिसमानश्रीरष्टैश्वर्यप्रवर्धनः ||
aShTAngayogaphalabhrudaShTapatrAmbujAsanah
aShTashaktisamAnashrIraShtaishwaryapravardhanah


अष्टपीठोपपीठश्रीरष्टमातृसमावृतः |
अष्टभैरवसेव्योऽष्टवसुन्द्योऽष्टमूर्तिभृत् ||  
ashTapIThopapIThashreerashTamAtrusamAvrutah
ashTabhairavasevyo’shTavasundyo’shTamUrtibhrut

अष्टचक्रस्फुरन्मूर्तिरष्टद्रव्यहविः प्रियः |
अष्टश्रीरष्टसामश्रीरष्टैश्र्वर्यप्रदायकः |
नवनागासनाध्यासी नवनिध्यनुशासितः ||
ashTachakrasphuranmUrtirashTadravyahavih priyah
ashTashreerashTasamAshreerashTaishwaryapradAyakah
navanAgAsanAdhyAsI navanidhyanushAsitah (145)

नवद्वारपुरावृत्तो नवद्वारनिकेतनः |
नवनाथमहानाथो नवनागविभूषितः ||
navadvArapurAvrutto navadvAraniketanah
navanAthamahAnAtho navanAgavibhUShitah

नवनारायणस्तुल्यो नवदुर्गानिषेवितः |
नवरत्नविचित्राङ्गो नवशक्तिशिरोद्ध्रुतः ||
navanArAyaNastulyo navadurgAniShevitah
navaratnavichitrAngo navashaktishiroddhrutah

दशात्मको दशभुजो दशदिक्पतिवन्दितः |
दशाध्यायो दशप्राणो दशेन्द्रियनियामकः ||
dashAtmako dashabhujo dashadikpativanditah
dashAdhyAyo dashaprANo dashendriyaniyAmakah

दशाक्षरमहामन्त्रो दशाशाव्यापिविग्रहः |
एकादशमहारुद्रैः स्तुतश्र्चैकादशाक्षरः ||
dashAksharamahAmantro dashAshAvyApivigrahah
ekAdashamahArudraih stutaschaikAdashAksharah

द्वादशद्विदशाष्टादिदोर्दण्डारत्ननिकेतन: |
त्रयोदशभिदाभिन्नो विश्र्वेदेवाधिदैवतं ||
dvAdashadvidashAShTAdidordaNDAratnaniketanah
trayodashabhidAbhinno vishwedevAdhidaivatam (150)


चतुर्दशेन्द्रवरदश्र्चतुर्दशमनुप्रभुः |
चतुर्दशाद्यविद्याढ्यश्र्चतुरदशजगत्पतिः ||
chaturdashendravaradaschaturdashamanuprabhuh
chaturdashAdyavidyADyaschaturadashajagatpatih

सामपञ्चदशः पञ्चदशीशीतांशुनिर्मलः |
तिथिपञ्चदशाकारस्तिथ्या पञ्चदशार्चितः ||
sAmapanchadashah panchadashIshItAmshunirmalah
tithipanchadashAkArastithyA panchadashArchitah

षोडशाधारनिलयः षोडशस्वरमात्रुकः |
षोडशान्तपदावासः षोडशेन्दुकलात्मकः ||
ShoDashAdhAranilayah ShoDashasvaramAtrukah
ShodDashAntapadAvAsah ShoDashendukalAtmakah

कलासप्तदशी सप्तदशसप्तदशाक्षरः |
अष्टादशद्वीपपतिरष्टादशपुराणकृत् ||
kalAsaptadashI saptadashasaptadashAksharah
ashtAdashadvIpapatiraShTAdashapurANakrut

अष्टादशौषधीसृष्टिरष्टादशविधिः स्मृतः |
अष्टादशलिपिव्यष्टिसमष्टिज्ञानकोविदः ||
aShTAdashauShadhIsruShTiraShTAdashavidhih smrutah
aShTAdashalipivyaShTisamAShTigyAnakovidah (155)

अष्टादशान्नसंपत्तिरष्टादशविजातिकृत् |
एकविंशः पुमानेकविंशत्यन्गुलिपल्लवः ||
aShtAdashAnnasampattiraShTAdashavijAtikrut
ekavimshah pumAnekavimshatyangulipallavah

चतुर्विंशतितत्त्वात्मा पञ्चविंशाख्यपूरुषः |
सप्तविंशतितारेशः सप्तविंशतियोगकृत् ||
chaturvimshatitattvAtmA panchavimshAkhyapUruSah
saptavimshatitAreshah saptavimshatiyogakrut

द्वात्रिंशद्भैरवाधीशश्चतुस्त्रिंशन्महाहृदः |
षट्त्रिंशत्तत्त्वसंभूतिरष्टत्रिंशत्कलात्मकः ||
dvAtrimshadbhairavAdhIshaschatustrimshanmahAhrudah
ShaTrimshattattvasambhUtiraShTatrimshatkalAtmakah

पञ्चाशद्विष्णुशक्तीशः पञ्चाशन्मातृकालयः |
द्विपञ्चाशद्वपुः श्रेणीत्रिषष्टयक्षरसंश्रयः |
पञ्चाशदक्षरश्रेणीपञ्चाशद्रुद्रविग्रहः ||
panchAshadviShNushaktIshah panchAshanmAtrukAlayah
dvipanchAshadvapuh shreNItriShaShTyaksharasamshrayah
panchAshadaksharashreNIpanchAshadrudravigrahah

चतुः षष्टिमहासिद्धियोगिनीवृन्दवन्दितः |
नमदेकोनपञ्चाशन्मरुद्वर्गनिरर्गलः ||
chatuh ShaShTimahAsiddhiyoginIvrundavanditah
namadekonapanchAshanmarudvarganirargalah (160)

चतुः षष्ट्यर्थनिर्णेता चतुः षष्टिकलानिधिः |
अष्टषष्टिमहातीर्थक्षेत्रभैरववन्दितः ||
chatuh ShaShTyarthanirNetA chatuh ShaShTikalAnidhih
aShTaShaShTimahAteerthakshetrabhairavavanditah

चतुर्नवतिमन्त्रात्मा षण्णवत्यधिकप्रभुः |
शतानन्दः शतधृतिः शतपत्रायतेक्षणः ||
chaturnavatimantrAtmA ShaNNavatyadhikaprabhuh
shatAnandah shatadhrutih shatapatrAyatekshaNah

शतानीकः शतमखः शतधारावरायुधः |
सहस्रपत्रनिलयः सहस्रफणिभूषण: ||
shatanIkah shatamakhah shatadhArAvarAyudhah
sahasrapatranilayah sahasraphaNibhUShaNah

सहस्रशीर्षा पुरुषः सहराक्षः सहस्रपात् |
सहस्रनामसंस्तुत्यः सहस्राक्षबलापहः ||
sahasrashIrShA puruShah sahasrAkshah sahasrapAt
sahasranAmasamstutyah sahasrAkshabalApahah

दशसाहस्रफणिभृत्फणिराजकृतासनः |
अष्टाशीतिसहस्राद्यमहर्षिस्तोत्रपाठितः ||
dashasAhasraphaNibhrutphaNirAjakrutAsanah
aShTAshItisahasrAdyamaharShistotrapAThitah (165)

लक्षाधारः प्रियाधारो लक्षाधारमनोमयः |
चतुर्लक्षजपप्रीतश्र्चतुर्लक्षप्रकाशकः ||
lakshAdhArah priyAdhAro lakshAdhAramanomayah
chaturlakshajapaprItaschaturlakshaprakAshakah

चतुरशीतिलक्षाणां जीवानां देहसंस्थितः |
कोटिसूर्यप्रतीकाशः कोटिचन्द्राम्शुनिर्मलः ||
chaturashItilakshANAm jIvAnAm dehasamsthitah
koTisUryapratIkAshah koTochandrAmshunirmalah

शिवोभवाद्यष्टकोटिवैनायकद्धुरन्धरः |
सप्तकोटिमहामन्त्रमन्त्रितावयवद् युतिः ||
shivobhavAdyaShTakoTivainAyakadurandharah
saptakoTimahAmantramantritAvayavadyutih

त्रयस्त्रिंशत्कोटिसुरश्रेणीप्रणतपादुकः |
अनन्तदेवतासेव्यो ह्यनन्तशुभदायकः ||
trayastrimshatkoTisurashreNIpraNatapAdukah
anantadevatAsevyo hyanantashubhadAyakah

अनन्तनामानन्तश्रीरनन्तोऽनन्तसौख्यदः |
अनन्तशक्तिसहितो ह्यनन्तमुनिसंस्तुतः ||
anantanAmAnantashrIrananto'nantasaukhyadah
anantashaktisahito hyanantamunisamstutah (170)

इति विनायकं नाम्नां सहस्रमिदमीरितम् |
इदं ब्राह्मे मुहूर्ते यः पठति प्रत्यहं नरः ||
iti vinAyakam nAmnAm sahasramidamIritam
idam brAhmomuhurtaye yah paThati pratyaham narah

करस्थं तस्य सकलमैहिकामुष्मिकम् सुखम् |
आयुरारोग्यमैश्वर्यम् धैर्यं शौर्यं बलं यशः ||
karastham tasya sakalamaihikAmuShmikam sukham
AyurArogyamaishwaryam dhairyam shauryam balam yashah

मेधा प्रज्ञा धृतिः कान्तिः सौभाग्यमभिरूपता |
सत्यं दया क्षमा शान्तिर्दाक्षिण्यं धर्मशीलता ||
medhA pragyA dhrutih kAntih sowbhAgyamabhirUpatA
satyam dayA kshamA shAntirdAkshiNyam dharmashElatA

जगत्संवननं विश्वसम्वादो वेदपाटवं |
सभापाण्डित्यमौदार्यं गाम्भीर्यं ब्रह्मवर्चसम् ||
jagatsamvananam vishwasamvAdo vedapATavam
sabhApANDityamaudAryam gAmbhIryam brahmavarchasam

ओजस्तेजः कुलं शीलं प्रतापो वीर्यमार्यता |
ज्ञानं विज्ञानमास्तिक्यं स्थैर्यं विश्वासता तथा ||
Ojastejah kulam sheelam pratApo vIryamAryatA
gyAnam vigyAnamAstikyam sthairyam vishwAsatA tathA (175)

धनधान्यादिवृद्धिश्च सकृदस्य जपाद्भवेत् |
वश्यं चतुर्विधं विश्वम् जपादस्य प्रजायते ||
dhanadhAnyAdivruddhischa sakrudasya japAdbhavet
vashyam chaturvidham vishwam japAdasya prajAyate

राज्ञो राजकलत्रस्य राजपुत्रस्य मन्त्रिणः |
जप्यते यस्य वश्यार्थे  स दासस्तस्य जायते ||
rAgyo rAjakalastrasya rAjaputrasya mantriNah
japyate yasya vashyArthe sa dAsastasya jAyate

धर्मार्थकाममोक्षाणामनायासेन साधनम् |
शाकिनीडाकिनीरक्षोयक्षग्रहभयापहम् ||
dharmArthakAmamokshANAmanoyAsena sAdhanam
shAkinIDAkinIrakshoyakshagrahabhayApaham

साम्राज्यसुखदं सर्वसपत्नमदमर्दनं |
समस्तकलाहध्वंसि दग्धबीजप्ररोहणम् ||
sAmrAjyasukhadam sarvasapatnamadamardanam
samastakalAhadhvamsi dagdhabeejaprarohaNam

दुःस्वप्नशमनं कृद्धस्वामिचित्तप्रसादनम् |
षड्वर्गाष्टमहासिद्धित्रिकालज्ञानकारणम् ||
duhsvapnaprashamanam kruddhavAmichittaprasAdanam
ShaDvargAShTamahAsiddhitrikAlagyAnakAraNam (180)


परकृत्यप्रशमनं परचक्रप्रमर्दनम् |
संग्राममार्गे सर्वेषामिदमेकं जयावहम् ||
parakrutyaprashamanam parachakrapramardanam
samgrAmamArge sarveShAmidamekam jayAvaham

सर्ववन्ध्यत्वदोषघ्नं गर्भरक्षैककारणम् |
पठ्यते प्रत्यहं यत्र स्तोत्रं गणपतेरिदम् ||
sarvavandhyatvadoShaghnam garbharakshaikakAraNam
paThyate pratyaham yatra stotram gaNapateridam

देशे तत्र न दुर्भिक्षमीतयो दुरितानि च |
न तद्गेहं जहाति श्रीर्यत्रायं जप्यते स्तवः ||
deshe tatra na durbhikshamItayo duritAni cha
na tadgeham jahAti shrIryatrAyam japyate stavah

क्षयकुष्ठप्रमेहार्शभगन्दरविषूचिकाः |
गुल्मं प्लीहानमशमानमतिसारं महोदरं ||
kshayakuShThapramehArshabhagandaraviShUchikAh
gulmam plIhAnamashamAnamatisAram mahodaram

कासं श्वासमुदावर्तं शूलं शोफामयोदरम् |
शिरोरोगं वमिं हिक्कां गण्डमालामरोचकम् ||
kAsam svAsamudAvartam shUlam shophAmayodaram
shirorogam vamim hikkAm gaNDamAlAmarochakam (185)

वातपित्तकफद्वन्द्वत्रिदोषजनितज्ज्वरम् |
आगन्तुविषमं शीतमुष्णं चैकाहिकादिकम् ||
vAtapittakaphadvandvatridoShajanitajjvaram
AgantuviShamam shItamuShNam chaikAhikAdikam

इत्याद्युक्तमनुक्तं वा रोगदोषादिसंभवम् |
सर्वं प्रशमयत्याशु स्तोत्रस्यास्य सकृज्जपः ||
ityAdyuktamanuktam vA rogadoShAdisambhavam
sarvam prashamayatyAshu stotrasyAsya sakrujjapah

प्राप्यतेऽस्य जपात्सिद्धिः स्त्रीशूद्रः पतितैरपि |
सहस्रनाममन्त्रोऽयं जपितव्यः शुभाप्तये ||
prApyate'sya japAsiddhih strIshUdraih patitairapi
sahasranAmamantro'yam japitavyah shubhAptaye

महागणपतेः स्तोत्रम् सकामः प्रजपन्निदं |
इच्छया सकलान् भोगानुभुज्येह पार्थिवान् ||
mahAgaNapateh stotram sakAmah prajapannidam
icchayA sakalAn bhoghAnubhujyeha pArthivAn

मनोरथफलैर्दिव्यैव्योर्मयानैर्मनोरमैः |
चन्द्रेन्द्रभास्करोपेन्द्रब्रह्मशर्वादिसद्मसु ||
manorathaphalairdivyaivyormayAnairmanoramaih
chandrendrabhAskaropendrabrahmasharvAdisadmasu (190)

कामरूपः कामगतिः कामदः कामदेश्र्वरः |
भुक्त्वा यथेप्सितान्भोगानभीष्टै: सह बन्धुभिः ||
kAmarUpah kAmagatih kAmadah kAmadeshwarah
bhuktvA yathepsitAnbhogAnabhIShTaih saha bandhubhih

गणेशानुचरो भूत्वा गणो गणपतिप्रियः |
नन्दीश्र्वरादिसानन्दैर्नन्दितः सकलैर्गणैः ||
gaNeshAnucharo bhUtvA gaNo gaNapatipriyah
nandIshvarAdisAnandairnanditah sakalairgaNaih

शिवाभ्यां कृपया पुत्रनिर्विशेषं च  लालितः |
शिवभक्तः पूर्णकामो गणेश्र्वरवरात्पुनः ||
shivAbhyAm krupayA putranirvisheSham cha lAlitah
shivabhaktah pUrNakAmo gaNeshvaravarAtpunah

जातिस्मरो धर्मपरः सार्वभौमोऽभिजायते |
निष्कामस्तु जपन्नित्यं भक्तया विघ्नेशतत्परः ||
jAtismaro dharmaparah sArvabhaumo'bhijAyate
niShkAmastu japannityam bhaktayA vighneshatatparah

योगसिद्धिं परां प्राप्य ज्ञानवैराग्यसंयुतः |
निरन्तरे निराबाधे परमानन्दसंज्ञिते ||
yogasiddhim parAm prApya gyAnavairAgyasamyutah
nirantare nirAbAdhe paramAnandasamgyite (195)

विश्वोत्तीर्णे परे पूर्णे पुनरावृत्तिवर्जिते |
लीनो वैनायके धाम्नि रमते नित्यनिर्वृते ||
vishvotteerNe pare pUrNe punarAvruttivarjite
leeno vainAyake dhAmni ramate nityanirvrute

यो नामभिर्हुतैर्दत्तैः पूजयेदर्चयीन्नरः |
राजानो वश्यतां यान्ति रिपवो यान्ति दासताम् ||
yo nAmabhirhutairdattaih pUjayedarchayeennarah
rAjAno vashyatAm yAnti ripavo yAnti dAsatAm

तस्य सिध्यन्ति मन्त्राणां दुर्लभास्चेष्टसिद्धयः |
मूलमन्त्रादपि स्तोत्रमिदं प्रियतमं मम ||
tasya sidhyanti mantrANAm durlabhAscheShTasiddhayah
mUlamantrAdapi stotramidam priyatamam mama

नभस्य मासि शुक्लायां चतुर्थ्यां मम  जन्मनि |
दूर्वाभिर्नामभिः पूजां तर्पणं विधिवच्चरेत् ||
nabhasya mAsi shuklAyam chaturthyAm mama janmani
dUrvAbhirnAmabhih pUjAm tarpaNam vidhivaccharet

अष्टद्रव्यैर्विशेषेण कुर्याद्भक्तिसुसंयुतः |
तस्येप्सितं धनं धान्यमैश्वर्यं विजयो यशः ||
aShTadravyairvisheSheNa kuryAdbhaktisusamyutah
tasyepsitam dhanam dhAnamaishwaryam vijayo yashah (200)

भविष्यति न सन्देह: पुत्रपौत्रादिकं सुखम् |
इदं प्रजपतिं स्तोत्रम्  पठितं  श्रावितं श्रुतम् ||
bhaviShyati na sandehah putrapautrAdikam sukham
idam prajapatim stotram paTitam shrAvitam shrutam

व्याकृतं चर्चितं ध्यातं विमृष्टमभिवन्दितम् |
इहामुत्र च विश्र्वेषां विश्वैश्वर्यप्रदायकम् ||
vyAkrutam charichitam dhyAtam vimruShtamabhivanditam
ihAmutra cha vishveShAm vishvaishwaryapradAyakam

स्वच्छन्दचारिणाप्येष येन सन्धार्यते स्तवः |
स रक्ष्यते शिवोद् भूतैर्गणैरध्यष्टकोटिभिः ||
svacchandachAriNApyeSha yena sandhAryate stavah
sa rakshyate shivodbhUtairgaNairadhyaShtakoTibhih

लिखितं पुस्तकस्तोत्रं मन्त्रभूतं प्रपूजयेत् |
तत्र सर्वोत्तमा लक्ष्मी: संनिधत्ते निरन्तरम् ||
likhitam pustakastotram mantrabhUtam prapUjayet
tatra sarvottamA lakshmIh sannidhatte nirantaram

दानैरशेषैरखिलैर्व्रतैश्च तीर्थैरशेषैरखिलैर्मखैश्च |
न तत्फलं विन्दति यद्गणेशसहस्रनामस्मरणेन सद्यः ||
dAnairasheShairakhilairvrataischa teerThairasheShairakhilairmakhaischa
na tatphalam vindati yadgaNeshasahasranAma smaraNena sadyah (205)

एतन्नाम्नां सहस्रं पठति दिनमणौ प्रत्यहं प्रोज्जिहाने
सायम् मध्यन्दिने वा त्रिषवणमथवा सन्ततं वा जनो यः |
स स्यादैश्वर्यधुर्यः प्रभवति वचसां कीर्ति मुच्चैस्तनोति
दारिद्र्यं हन्ति विश्वम् वशयति सुचिरं वर्धते पुत्रपौत्रैः ||
etannAmnAm sahasram paThati dinamaNau pratyaham projjihAne
sAyam madhyandine vA triShavaNamathavA santatam vA jano yah
sa syAdaishwaryadhuryah prabhavati vachasAm kErti mucchaistanoti
dAridryam hanti vishwam vashayati suchiram vardhate putrapautraih

अकिञ्चनोऽप्येकचित्तो नियतो नियतासनः |
प्रजपंश्र्चतुरो मासान् गणेशार्चनतत्परः ||
akinchano'pyekachitto niyato niyatAsanah
prajapamschaturo mAsAn gaNeshArchanatatparah

दरिद्रतां समुन्मूल्य सप्तजन्मानुगामपि |
लभते महतीं लक्ष्मीमित्याज्ञा पारमेश्वरी ||
daridratAm samunmUlya saptajanmAnugAmapi
labhate mahatIm lakshmImityAgyA pArameshwarI

आयुष्यं वीतरोगं कुलमतिविमलं संपदश्र्चार्तिनाशः
कीर्तिर्नित्यावदाता भवति खलु नवा कान्तिरव्याजभव्या |
पुत्राः सन्तः कलत्रं गुणवदभिमतं यद्यदन्यच्च
तत्तन् नित्यं यः स्तोत्रमेतत् पठति गणपतेस्तस्य हस्ते समस्तम् ||
AyuShyam vItarogam kulamativimalam sampadaschArtinAshah
kIrtirnityAvadAtA bhavati khalu navA kAntiravyAjabhavyA
putrAh santah kalatram guNavadabhimatam yadyadanyaccha
tattan nityam yah stotrametat paThati gaNapatestasya haste samastam

गणञ्जयो गणपतिर्हेरम्बो धरणीधरः |
महागणपतिर्बुद्धिप्रियः क्षिप्रप्रसादनः ||
gaNanjayao gaNapatirherambo dharaNIdharah
mahAgaNapatirbuddhipriyah kshipraprasAdanah (210)


अमोघसिद्धिरमृतमन्त्रीश्र्चिन्तामणिर्निधिः |
सुमङ्गलो बीजमाशापूरको वरदः कलः ||
amoghasiddhiramrutamantrIschintAmaNirnidhih
sumangalo beejamAshApUrako varadah kalah

काश्यपो नन्दनो वाचासिद्धो ढुण्ढिर्विनायकः |
मोदकैरेभिरत्रैकविंशत्या नामभिः पुमान् ||
kAshyapo nandano vAchAsiddho DunDirvinAyakah
modakairebhiratraikavimshatyA nAmAbhih pumAn

उपायनं ददेद्भक्त्या मत्प्रसादं चिकीर्षति |
वत्सरं विघ्नराजोऽस्य तथ्यमिष्टार्थसिद्धये ||
upAyanam dadedbhaktyA matprasAdam chikIrShati
vatsaram vighnarAjo'sya tathyamiShTArthasiddhaye

यः स्तौति मद्गतमना ममाराधनतत्परः |
स्तुतो नाम्ना सहस्रेण तेनाहं नात्र संशयः ||
yah stauti madgatamanA mamArAdhanamatparah
stuto nAmnA sahasreNa tenAham nAtra samshayah

नमो नमः सुरवरपूजिताङ्घ्रये नमो नमो निरुपममङ्गलात्मने |
नमो नमो विपुलदयैकसिद्धये नमो नमः करिकलभाननाय ते ||
namo namah suravarapUjitAnghraye namo namo nirupamamangalAtmane
namo namo vipuladayaikasiddhaye namo namah karikalabhAnanAya te

किङ्किणीगणरचितचरणः प्रकटितगुरुमितचारुकरणः |
मदजललहरीकलितकपोलः शमयतु दुरितं गणपतिनाम्ना || (216)
kinkiNIgaNarachitacharaNah prakaTitagurumitachArukaraNah
madajalalaharIkalitakapolah shamayatu duritam gaNapatinAmnA

|| इति श्रीगणेशपुराणे उपासनाखण्डे ईश्वरगणेशसंवादे गणेशसहस्रनामस्तोत्रम् नाम षट्चत्वारिंशोऽध्यायः ||
|| iti shrI gaNeshapurANe upAsanAkhaNDe EshwaragaNeshasamvAde gaNeshasahasranAma stotram nAm ShaTchatvArimsho'dhyAyah ||



Bhagavad Gita

Bhagavad Gita
If you don't find the sloka PDF attached and would like to have one, kindly email me (joyfulslokas at gmail dot com) your request.