Lalita Sahasranamam


From Brahmanda Puranam

Stotram Meaning

Lalita Sahasranamam

From Brahmanda Puranam

||ॐ श्री ललितादेव्यै नमः ||
Om shrI lalitAdevyai namah
|| श्री ललिता सहस्रनाम स्तोत्रम् ||
shrI lalitA sahasranAma stotram

अस्य श्रीललितासहस्रनामस्तोत्रमाला मन्त्रस्य |
वशिन्यादिवाग्देवता ऋषयः |
अनुष्टुप् छन्दः |
श्रीललितापरमेश्र्वरी देवता |
श्रीमद्वाग्भवकूटेति बीजम् |
मध्यकूटेति शक्तिः |
शक्तिकूटेति कीलकम् |
श्रीललितामहात्रिपुरसुन्दरी-प्रसादसिद्धिद्वारा
चिन्तितफलावाप्त्यर्थे जपे विनियोगः |

asya shrIlalitAsahasranAmastotramAlA mantrasya
vashinyAdivAgdevatA Rshayah
anuShTup chandah
shrIlalitAparameshwarI devatA
shrImadvAgbhavakUTeti beejam
madhyakUTeti shaktih
shaktikUTeti kIlakam
shrIlalitAmahAtripurasundarI-prasAdasiddhidvArA
chintitaphalAvAptyarthe jape viniyogah

ध्यानम्
dhyAnam

सिन्दूरारूण विग्रहां त्रिनयनां माणिक्यमौलि स्फुरत्
तारा नायक शेखरां स्मितमुखी मापीन वक्षोरुहाम् |
पाणिभ्यामलिपूर्ण रत्न चषकं रक्तोत्फलं बिभ्रतीं
सौम्यां रत्न घटस्थ रक्तचरणां ध्यायेत् परामम्बिकाम् ||

sindUrAruNa vigrahAm trinayanAm mANikyamowli sphurat
tArA nAyaka shekharAm smitamukhI mApIna vakshoruhAm
pANibhyAmalipUrNa ratna chaShakam raktotphalam bibhratIm
saumyAm ratna ghaTastha charaNAm dhyAyet parAmambikAm

अरुणां करुणा तरङ्गिताक्षीं धृत पाशाङ्कुश पुष्प बाणचापां
अणिमादिभि रावृतां मयूखैरहमित्येव विभावये भवानीम् ||
aruNAm karuNA tarangitAkshIm dhruta pAshAnkusha puShpa bANachApAm
 aNimAdibhi rAvrutAm mayUkhai rahamityeva vibhAvaye bhavAnIm

ध्यायेत् पद्मासनस्थां विकसितवदनां पद्मपत्रायताक्षीं
हेमाभां पीतवस्त्रां करकलितलसद्धेमपद्मां वराङ्गीम् |
dhyAyet padmAsanasthAm vikasitavadanAm padmapatrAyatAkshIm
hemAbhAm pItavastrAm karakalitalasaddhemapadmAm varAngIm

सर्वालङ्कार युक्तां सतत मभयदां भक्तनम्रां भवानीं
श्रीविद्यां शान्त मूर्तिं सकल सुरनुतां सर्व संपत्प्रदात्रीम् ||
sarvAlankAra yuktAm satatamabhayadAm bhaktanamrAm bhavAnIm
shrIvidyAm shAnta mUrtim sakala suranutAm sarva sampatpradAtrIm

सकुङ्कुम विलेपनामलिकचुंबि कस्तूरिकां
समन्द हसितेक्षणां सशर चाप पाशाङ्कुशाम् |
अशेषजन मोहिनीं अरुण माल्य भूषाम्बरां
जपाकुसुम भासुरां जपविधौ स्मरेदम्बिकाम् ||
sakunkuma vilepanAmalikachumbi kastUrikAm
samanda hasitekshaNAm sasharachApa pAshAnkushAm
asheShajana mohinIm aruNa mAlya bhUShAmbarAm
japAkusuma bhAsurAm japavidhau smaredambikAm

||अथ श्री ललिता सहस्रनाम स्तोत्रम्||
atha shrI lalitA sahasranAma stotram

ॐ श्रीमाता श्रीमहाराज्ञी श्रीमत्-सिम्हासनेश्र्वरी
चिदग्नि-कुण्ड-संभूता देवकार्य-समुद्यता ||
Om shrImAtA shrImahArAgyI shrImat-simhAsaneshwarI
chidagni-kuNDa-sambhUtA devakArya-samudyatA

उद्यद्भानु-सहस्राभा चतुर्बाहु-समन्विता
रागस्वरूप-पाशाढ्या क्रोधाकाराङ्कुशोज्ज्वला ||
udyadbhAnu-sahasrAbhA chaturbAhu-samanvitA
rAgasvarUpa-pAshADhyA krodhAkArAnkushojvalA

मनोरूपेक्षु कोदण्डा पञ्चतन्मात्र सायका
निजारुण प्रभापूर मज्जद्ब्रह्माण्ड मण्डला ||
manorUpekshu kodanDA panchatanmAtra sAyakA
nijAruNa prabhApUra majjadbrahmAnDa maNDalA

चम्पकाशोक पुन्नाग सौगन्धिक लसत्कचा
कुरुविन्दमणि श्रेणी कनत्कोटीर मण्डिता ||
champakAshoka punnAga sowgandhika lasatkachA
kuruvindamaNi shreNI kanatkotIra maNDitA

अष्टमिचन्द्र विभ्राज दलिकस्थल शोभिता
मुखचन्द्र कलङ्काभ मृगनाभि विशेषका ||
ashTamichandra vibhrAja dalikasthala shobhitA
mukhachandra kalankAbha mruganAbhi visheShakA

वदनस्मर माङ्गल्य गृहतोरण चिल्लिका
वक्त्रलक्ष्मी परीवाह चलन्मीनाभ लोचना ||
vadanasmara mAngalya gruhatoraNa chillikA
vaktralakshmI parIvAha chalanmInAbha lochanA

नवचम्पक पुष्पाभ नासा दण्ड  विराजिता
ताराकान्ति तिरस्कारि नासाभरण भासुरा ||
navachampaka puShpAbha nAsAdanDa virAjitA
tArAkAnti tiraskArI nAsAbharaNa bhAsurA

कदम्बमञ्जरी क्लुप्त कर्णपूर मनोहरा
ताटङ्क युगली भूत तपनोडुप मण्डला ||
kadamba manjarI klupta karNapUra manoharA
tATanka yugalI bhUta tapanoDupa maNDalA

पद्मराग शिलादर्श परिभावि कपोलभू:
नवविद्रुम बिम्बश्री न्यक्कारि रदनच्छदा ||
padmarAga shilAdarsha paribhAvi kapolabhUh
navavidruma bimbashrI nyakkAri radanachchadA 

शुद्ध विद्याङ्कुराकार द्विजपङ्कित द्वयोज्ज्वला
कर्पूर वीटिकामोद समाकर्षि दिगन्तरा ||
shuddha vidyAnkurAkAra dvijapankita dvayojvalA
karpUra vITikAmoda samAkarShi digantarA

निजसल्लाप माधुर्य विनिर्भर्त्सित कच्छपी
मन्दस्मित प्रभापूर मज्जत्कामेश मानसा ||
nijasallApa mAdhurya vinirbhartsita kacchapI
mandasmita prabhApUra majjatkAmesha mAnasA

अनाकलित सादृश्य चिबुकश्री विराजिता
कामेश बद्ध माङ्गल्य सूत्र शोभित कन्धरा ||
anAkalita sAdrushya chibukashrI virAjitA
kAmesha baddha mAngalya sUtra shobhita kandharA

कनकाङ्गद केयूर कमनीय भुजान्विता
रत्नग्रैवेय चिन्ताक लोल मुक्ता फलान्विता ||
kanakAngada keyUra kamanIya bhujAnvitA
ratnagraiveya chintAka lola muktA phalAnvitA

कामेश्र्वर प्रेमरत्न मणि प्रतिपण स्तनी
नाभ्यालवाल रोमालि लता फल कुचद्वयी ||
kAmeshwara premaratna maNi pratipaNa stanI
nAbhyAlavAla romAli latA phala kuchadvayI

लक्ष्म्यरोम लताधारता समुन्नेय मध्यमा
स्तनभार दलन्मध्य पट्टबन्ध वलित्रया ||
lakshmyaroma latAdhAratA samunneya madhyamA
stanabhAra dalanmadhya paTTabandha valitrayA

अरुणारुण कौसुम्भ वस्त्र भास्वत् कटीतटी
रत्न किङ्किणिका रम्य रशना दाम भूषिता ||
arunAruNa kausumbha vastra bhAsvat kaTItaTI
ratna kinkiNikA ramya rashanA dAma bhUShitA

कामेश ज्ञात सौभाग्य मार्दवोरु द्वयान्विता
माणिक्य मुकुटाकार जानुद्वय विराजिता ||
kAmesha gyAta saubhAgya mArdavoru dvayAnvitA
mANikya mukuTAkAra jAnudvaya virajitA

इन्द्रगोप परिक्षिप्त स्मरतूणाभ जङघिका
गूढगुल्फा कूर्मपृष्ठ जयिष्णु प्रपदान्विता ||
indragopa parikshipta smaratUNAbha janghikA
gUDagulphA kUrmapruShTha jayiShNu prapadAnvitA

नख दीधिति संछन्न नमज्जन तमोगुणा
पदद्वय प्रभाजाल पराकृत सरोरुहा ||
nakha dIdhiti samchanna namajjana tamoguNA
padadvaya prabhAjAla parAkruta saroruhA 

सिञ्जान मणिमञ्जीर मण्डित श्री पदाम्बुजा
मराली मन्दगमना महालावण्य शेवधिः ||
sinjAna maNimanjIra maNDita shrI padAmbujA
marAlI mandagamanA mahAlAvaNya shevadhih

सर्वारुणा नवद्याङ्गी सर्वाभरण भूषिता
शिव कामेश्र्वराङ्कस्था शिवा स्वाधीन वल्लभा ||
sarvAruNA navadyAngI sarvAbharaNa bhUShitA
shiva kAmeshwarAnkasthA shivA svAdhIna vallabhA

सुमेरु मध्य शृङ्गस्था श्रीमन्नगर नायिका
चिन्तामणि गृहान्तस्था पञ्च ब्रह्मासन स्थिता ||
sumeru madhya shrungasthA shrImannagara nAyikA
chintAmaNi gruhAntasthA panchabrahmAsanasthitA

महापद्माटवी संस्था कदम्बवन वासिनी
सुधासागर मध्यस्था कामाक्षी कामदायिनी ||
mahApadmATavI samsthA kadambavana vAsinI
sudhAsAgara madhyasthA kAmAkshI kAmadAyinI

देवर्षि गण संघात स्तूयमानात्म वैभावा
भण्डासुर वधोद्युक्त शक्तिसेना समन्विता ||
devarShi gaNa sanghAta stUyamAnAtma vaibhavA
bhaNDAsura vadhodyukta shaktisenA samanvitA

संपत्करी समारूढ सिन्धूर व्रज सेविता
अश्र्वारूढाधिष्ठिताश्र्व कोटि कोटिभिरावृता ||
sampatkarI samArUDa sindhUra vraja sevitA
ashwArUDAdhiShThitAshva koTi koTibhirAvrutA

चक्रराज रथारूढ सर्वायुध परिष्कृता
गेयचक्र रथारूढ मन्त्रिणी परिसेविता ||
chakrarAja rathArUDa sarvAyudha pariShkrutA
geyachakra rathArUDa mantriNI parisevitA

किरिचक्र रथारूढ दण्डनाथा पुरस्कृता
ज्वाला मालिनिकाक्षिप्त वह्निप्राकार मध्यगा ||
kirichakra rathArUDa daNDanAthA puraskrutA
jvAlA mAlinikAkshipta vahniprAkAra madhyagA

भण्डसैन्य वधोद्युक्त शक्ति विक्रम हर्षिता
नित्या पराक्रमाटोप निरीक्षण समुत्सुका ||
bhaNDasainya vadhodyukta shakti vikrama harShitA
nityA parAkramATopa nirIkshaNa samutsukA

भण्ड पुत्र वधोद्युक्त बाला विक्रम नन्दिता
मन्त्रिण्यम्बा विरचित विषङ्ग वध तोषिता ||
bhaNDaputra vadhodyukta bAlA vikrama nanditA
mantriNyambA virachita viShanga vadha toShitA

विशुक्र प्राणहरण वाराहि वीर्य नन्दिता
कामेश्र्वर मुखालोक कल्पित श्रीगणेश्र्वरा ||
vishukra prANaharaNa vArAhi vIrya nanditA
kAmeshwara mukhAloka kalpita shrI gaNeshwarA

महागणेश निर्भिन्न विघ्नयन्त्र प्रहर्षिता
भण्डासुरेन्द्र निर्मुक्त शस्त्र प्रत्यस्त्र वर्षिणी ||
mahAgaNesha nirbhinna vighnayantra praharShitA
bhanDAsurendra nirmukta shastra pratyastra varShiNI 

  कराङ्गुलि नखोत्पन्न नारायण दशाकृतिः
महा पाशुपतास्त्राग्नि निर्दग्धासुर सैनिका||
 karAnguli nakhotpanna nArAyaNa dashAkrutih
mahA pAshupatAstrAgni nirdagdhAsura sainikA

कामेश्र्वरास्त्र निर्दग्ध सभण्डासुर शून्यका
ब्रह्मोपेन्द्र महेन्द्रादि देव संस्तुत वैभवा ||
kAmeshwarAstra nirdagdha sabhaNDAsura shUnyakA
brahmopendra mahendrAdi deva samstuta vaibhavA

हर नेत्राग्नि संदग्ध काम संजीवनौषधिः
श्रीमद्वाग्भव कूटैक स्वरूप मुख पङ्कजा||
hara netrAgni samdagdha kAma sanjIvanauShadhih
shrImadvAgbhava kUTaika svarUpa mukha pankajA

कणठाधः कटि पर्यन्त मध्यकूट स्वरूपिणी  
शक्ति कूटैकतापन्न कट्यधोभाग धारिणी||
 kaNTAdhah kaTi paryantah madhyakUTa svarUpiNI
shakti kUtaikatApanna kaTyadhobhAga dhAriNI

मूल मन्त्रात्मिका मूलकूटत्रय कलेवरा
कुलामृतैक रसिका कुलसंकेत पालिनी||
 mUla mantrAtmikA mUlakUTatraya kalevarA
kulAmrutaika rasikA kulasanketa pAlinI

कुलाङ्गना कुलान्तस्था कौलिनी कुलयोगिनी
अकुला समयान्तस्था समयाचार तत्परा ||
kulAnganA kulAntasthA kaulinI kulayoginI
akulA samayAntasthA samayAchAra tatparA

मूलाधारैक निलया ब्रह्मग्रन्थि विभेदिनी
मणि पूरान्तरुदिता विष्णुग्रन्थि विभेदिनी ||
mUlAdhAraika nilayA brahmagranthi vibhedinI
maNi pUrAntaruditA viShNugranti vibhedinI

आज्ञा चक्रान्तरालस्था रुद्रग्रन्थि विभेदिनी
सहस्राराम्बुजारूढा सुधा साराभिवर्षिणी||
AgyA chakrAntarAlasthA rudragranthi vibhedinI
sahasrArAmbujArUDA sudhA sArAbhivarShiNI

तडिल्लता समरुचिः षट्चक्रोपरि संस्थिता
महाशक्तिः कुण्डलिनी बिसतन्तु तनीयसी||
tadillatA samaruchih ShaTchakropari samsthitA
mahAshaktih kuNDalinI bisatantu tanIyasI

भवानि भावना गम्या भवारण्य कुठारिका
भद्रप्रिया भद्रमूर्तिर भक्त सौभाग्यदायिनी||
bhavAni bhAvanA gamyA bhavAraNya kuThArikA
bhadrapriyA bhadramUrtir bhakta saubhAgyadAyinI

भक्तिप्रिया भक्तिगम्य भक्तिवश्य भयापहा
शाम्भवी शारदाराध्या शर्वाणी शर्मदायिनी||
bhaktipriyA bhaktigamya bhaktivashya bhayApahA
shAmbhavI shAradArAdhyA sharvANI sharmadAyinI

शाङ्करी श्रीकरी साध्वी शरस्चन्द्र निभानना
शातोदरी शान्तिमती निराधारा निरञ्जना ||
 shAnkarI shrIkarI sAdhwI sharaschandra nibhAnanA
shAtodarI shAntimatI nirAdhArA niranjanA

निर्लेपा निर्मला नित्या निराकारा निराकुला
निर्गुणा निष्कला शान्ता निष्कामा निरुपप्लवा ||
nirlepA nirmalA nityA nirAkArA nirAkulA
nirgunA niShkalA shAntA niShkAmA nirupaplavA

नित्यमुक्ता निर्विकारा निष्प्रपञ्चा निराश्रया
नित्यशुद्धा नित्यबुद्धा निरवद्या निरन्तरा||
nityamuktA nirvikArA niShprapanchA nirAshrayA
nityashuddhA nityabuddhA niravadyA nirantarA

निष्कारणा निष्कलङ्का निरुपाधिर् निरीश्र्वरा
नीरागा रागमथनी निर्मदा मदनाशिनी ||
 niShkAraNA niShkalankA nirupAdhir nirIshwarA
nIrAgA rAgamathanI nirmadA madanAshinI

निश्चिन्ता निरहन्कारा  निर्मोहा मोहनाशिनी
निर्ममा ममताहन्त्री निष्पापा पापनाशिनी ||
 nischintA nirahankArA nirmohA mohanAshinI
nirmamA mamatAhantrI niShpApA pApanAshinI

निष्क्रोधा क्रोधशमनी निर्लोभा लोभनाशिनी
निःसंशया संशयघ्नी निर्भवा भवनाशिनी||
niShkrodhA krodhashamanI nirlobhA lobhanAshinI
nihsamshayA samshayaghnI nirbhavA bhavanAshinI

निर्विकल्पा निराबाधा निर्भेदा भेदनाशिनी
निर्नाशा मृत्युमथनी निष्क्रिया निष्परिग्रहा ||
 nirvikalpA nirAbAdhA nirbhedA bhedanAshinI
nirnAshA mrutyumathanI niShkriyA niShparigrahA

निस्तुला नीरचिकुरा निरपाया निरत्यया
दुर्लभा दुर्गमा दुर्गा दु:खहन्त्री सुखप्रदा ||
 nistulA nIrachikurA nirapAyA niratyayA
durlabhA durgamA durgA dukha-hantrI sukhapradA

दुष्टदूरा दुराचार शमनी दोषवर्जिता
सर्वज्ञा सान्द्रकरुणा समानाधिक वर्जिता ||
 duShTadUrA durAchAra shamanI doshavarjitA
sarvagyA sAndrakaruNA samAnAdhika varjitA

सर्वशक्तिमयी सर्व मङ्गला सद्गतिप्रदा
सर्वेश्र्वरी सर्वमयी सर्वमन्त्र स्वरूपिणी ||
sarvashaktimayI sarva mangalA sadgatipradA
sarveshwarI sarvamayI sarvamantra svarUpiNI

सर्व यन्त्रात्मिका सर्व तन्त्ररूपा मनोन्मनी
माहेश्र्वरी महादेवी महालक्ष्मीर् मृडप्रिया ||
sarva yantrAtmikA sarva tantrarUpA manonmanI
mAheshwarI mahAdevI mahAlakshmIr mruDapriyA

महारूपा महापूज्या महापातक नाशिनी
महामाया महासत्त्वा महाशक्तिर् महारतिः ||
mahArUpA mahApUjyA mahApAtaka nAshinI
mahAmAyA mahAsattwA mahAshaktir mahAratih

महाभोगा महैश्र्वर्या महावीर्या महाबला
महाबुद्धिर् महासिद्धिर् महायोगेश्र्वरेश्र्वरी ||
mahAbhogA mahaishwaryA mahAvIryA mahAbalA
mahAbuddhir mahAsiddhir mahAyogeshwareshwarI

महातन्त्रा महामन्त्रा महायन्त्रा महासना
महायाग क्रमाराध्या महाभैरव पूजिता||
mahAtantrA mahAmantrA mahAyantrA mahAsanA
mahAyAga kramArAdhyA mahAbhairava pUjitA

महेश्र्वर महाकल्प महाताण्डव साक्षिणी
महाकामेश महिषी महात्रिपुर सुन्दरी ||
maheshwara mahAkalpa mahAtANDava sAkshiNI
mahAkAmesha mahiShi mahAtripura sundarI

चतुष्षष्ट्युपचाराढ्या चतुष्षष्टिकलामयी
महाचतुः षष्टिकोटि योगिनी गणसेविता ||
chatuShShaShTyupachArADyA chatuShShaShTikalAmayI
mahAchatuh ShaShTikoTi yoginI gaNasevitA

मनुविद्या चन्द्रविद्या चन्द्रमण्डल मध्यगा
चारुरूपा चारुहासा चारुचन्द्र कलाधरा ||
manuvidyA chandravidyA chandramaNDala madhyagA
chArurUpA chAruhAsA chAruchandra kalAdharA

चराचर जगन्नाथा चक्र राज निकेतना
पार्वती पद्मनयना पद्मराग समप्रभा ||
charAchara jagannAthA chakrarAja niketanA
pArvatI padmanayanA padmarAga samaprabhA

पञ्च प्रेतासनासीना पञ्चब्रह्म स्वरूपिणी
चिन्मयी परमानन्दा विज्ञान घनरूपिणी ||
pancha pretAsanAsInA panchabrahma svarUpiNI
chinmayI paramAnandA vigyAna ghanarUpiNI

ध्यान ध्यातृ ध्येयरूपा धर्माधर्म विवर्जिता
विश्र्वरूपा जागरिणी स्वपन्ती तैजसात्मिका ||
dhyAna dhyAtru dhyeyarUpA dharmAdharma vivarjitA
vishwarUpA jAgariNI svapantI taijasAtmikA

सुप्ता प्राज्ञात्मिका तुर्या सर्वा वस्था विवर्जिता
सृष्टिकर्त्री ब्रह्मरूपा गोप्त्री गोविन्दरूपिणी ||
suptA prAgyAtmikA turyA sarvA vasthA vivarjitA
sruShTikartrI brahmarUpA goptrI govindarUpiNI

संहारिणी रुद्र रूपा तिरोधान करीश्र्वरी
सादाशिवानुग्रदा पञ्चकृत्य परायणा ||
samhAriNI rudrarUpA tirodhAna karIshwarI
sadAshivAnugradA panchakrutya parAyaNA

भानुमण्डल मध्यस्था भैरवी भगमालिनी
पद्मासना भगवती पद्मनाभ सहोदरी ||
bhAnumaNDala madhyasthA bhairavI bhagamAlinI
padmAsanA bhagavatI padmanAbha sahodarI

उन्मेष निमिषोत्पन्न विपन्न भुवनावली
सहस्र शीर्षवदना सहस्राक्षी सहस्रपात्||
unmeSha nimiShotpanna vipanna bhuvanAvalI
 sahasraShIrShavadanA sahasrAkshI sahasrapAt

आब्रह्म कीट जननी वर्णाश्रम विधायिनी
निजाज्ञारूप निगमा पुण्यापुण्य फलप्रदा||
Abrahma kITa jananI varNAshrama vidhAyinI
nijAgyArUpa nigamA puNyApuNya phalapradA

श्रुति सीमन्त सिन्दूरी कृतपादाब्ज धूलिका
सकलागम संदोह शुक्ति संपुट मौक्तिका ||
shruti sImanta sindUri krutapAdAbja dhUlikA
sakalAgama sandoha shukti sampuTa mauktikA

पुरुषार्थ प्रदा पूर्णा भोगिनी भुवनेश्र्वरी
अम्बिकानादि निधना हरिब्रह्मेन्द्र सेविता ||
puruShArtha pradA pUrNA bhogini bhuvaneshwarI
ambikAnAdi nidhanA haribrahmendra sevitA

नारायणी नादरूपा नामरूप विवर्जिता
ह्रीन्कारी ह्रीमती हृद्या हेयोपादेय वर्जिता ||
nArAyaNI nAdarUpA nAmarUpa vivarjitA
hrInkArI hrImatI hrudyA heyopAdeya varjitA

राजराजार्चिता राज्ञी रम्या राजीवलोचना
रञ्जनी रमणी रस्या रणत्किङ्किणि मेखला ||
rAjarAjArchitA rAgyI ramyA rAjIvalochanA
ranjanI ramaNI rasyA raNatkinkiNi mekhalA

रमा राकेन्दुवदना रतिरूपा रतिप्रिया
रक्षाकरी राक्षसघ्नी रामा रमणलंपटा||
ramA rAkenduvadanA ratirUpA ratipriyA
rakshAkarI rAkshasaghnI rAmA ramaNalampaTA

काम्या कामकलारूपा कदम्ब कुसुम प्रिया
कल्याणी जगतीकन्दा करुणा रस सागरा ||
kAmyA kAmakalArUpA kadamba kusuma priyA
kalyANI jagatIkandA karuNA rasa sAgarA

कलावती कलालापा कान्ता कादम्बरीप्रिया
वरदा वामनयना वारुणी मद विह्वला ||
kalAvatI kalAlApA kAntA kAdambarIpriyA
varadA vAmanayanA vAruNI mada vihvalA

विश्र्वधिका वेदवेद्या विन्ध्याचल निवासिनी
विधात्री वेदजननी विष्णुमाया विलासिनी ||
vishwAdhikA vedavedyA vindhyAchala nivAsinI
vidhAtrI vedajananI viShNumAyA vilAsinI

क्षेत्रस्वरूपा क्षेत्रेशी क्षेत्र क्षेत्रज्ञ पालिनी
क्षयवृद्धि विनिर्मुक्ता क्षेत्रपाल समर्चिता||
kshetrasvarUpA kshetreshI kshetra kshetragya pAlinI
kshayavruddhi vinirmuktA kshetrapAla samarchitA

विजया विमला वन्द्या वन्दारु जन वत्सला
वाग्वादिनी वामकेशी वह्निमण्डल वासिनी||
vijayA vimalA vandyA vandAru jana vatsalA
vAgvAdinI vAmakeshI vahnimaNDala vAsinI

भक्तिमत् कल्पलतिका पशुपाश विमोचिनी
संहृताशेष पाषण्डा सदाचार प्रवर्तिका||
bhaktimat kalpalatikA pashupAsha vimochinI
samhrutAsesha pAShaNDA sadAchAra pravartikA

तापत्रयाग्नि सन्तप्त समाह्लादन चन्द्रिका
तरुणी तापसाराध्या तनुमध्या तमोपहा||
tApatrayAgni santapta samAhlAdana chandrikA
taruNI tApasArAdhyA tanumadhyA tamopahA

चितिस्तत्पद लक्ष्यार्था चिदेकरस रूपिणी
स्वात्मानन्द लवीभूत ब्रह्माद्यानन्द सन्ततिः||
chitistatpada lakshyArthA chidekarasa rUpiNI
svAtmAnanda lavIbhUta brahmAdyAnanda santatih

परा प्रत्यक्चितीरूपा पश्यन्ती परदेवता
मध्यमा वैखरी रूपा भक्त मानस हंसिका||
parA pratyakchitIrUpA pashyanti paradevatA
madhyamA vaikharI rUpA bhakta mAnasa hamsikA

कमेश्र्वर प्राण नाडी कृतज्ञा कामपूजिता
शृङ्गार रस संपूर्णा जया जालन्धरस्थिता ||
kAmeshwara prANa nADI krutagyA kAmapUjitA
shrungAra rasa sampUrNA jayA jAlandharasthitA

ओडयाणपीठ निलया बिन्दु मण्डलवासिनी
रहोयागक्रमाराध्या रहस्तर्पण तर्पिता ||
OdyAna pITha nilayA bindu maNDalavAsinI
rahoyAgakramArAdhyA rahastarpaNa tarpitA

सद्यः प्रसादिनी विश्र्व साक्षिणी साक्षिवर्जिता
षडङ्गदेवता युक्ता षाड्गुण्य परि पूरिता||
sadyah prasAdinI vishwa sAkshiNI sAkshivarjitA
ShaDangadevatA yuktA ShADguNya paripUritA

नित्यक्लिन्ना निरुपमा निर्वाण सुख दायिनी
नित्या षोडशिका रूपा श्रीकण्ठार्ध शरीरिणी||
nityaklinnA nirupamA nirvANa sukhadAyinI
nityA ShoDashikA rUpA shrIkaNThArdha sharIriNI 

प्रभावती प्रभारूपा प्रसिद्धा परमेश्र्वरी
मूल प्रकृतिर् अव्यक्ता व्यक्ताव्यक्त स्वरूपिणी ||
prabhAvatI prabhArUpA prasiddhA parameshwarI
mUla prakrutir avyaktA vyaktAvyakta svarUpiNI

व्यापिनी विविधाकारा विद्याविद्या स्वरूपिणी
महाकामेश नयन कुमुदाह्लाद कौमुदी ||
vyApinI vividhAkArA vidyAvidyA svarUpiNI
mahAkAmesha nayana kumudAhlAda kaumudI

भक्त हार्द तमोभेद भानुमद्भानु सन्ततिः
शिवदूती शिवाराध्या शिवमूर्तिः शिवङ्करी ||
bhakta hArda tamobheda bhAnumadbhAnu santatih
shivadUti shivArAdhyA shivamUrtih shivankarI

शिवप्रिया शिवपरा शिष्टेष्टा शिष्टपूजिता
अप्रमेया स्वप्रकाशा मनोवाचां अगोचरा ||
shivapriyA shivaparA shiShTeShTA shiShTapUjitA
aprameyA svaprakAshA manovAchAm agocharA

चिच्छक्तिश् चेतनारूपा जडशक्तिर् जडात्मिका
गायत्री व्याह्रुती: सन्ध्या द्विजवृन्द निषेविता ||
chicchaktish chetanArUpA jaDashaktir jaDAtmikA
gAyatrI vyAhrutIh sandhyA dvijavrunda niShevitA 

तत्वासना तत्वमयी पञ्चकोशान्तर स्थिता
निःसीम महिमा नित्य यौवना मदशालिनी ||
tatvAsanA tatvamayI panchakoshAntara sthitA
nihsIma mahimA nitya yauvanA madashAlinI

मदघूर्णित रक्ताक्षी मदपाटल गण्डभूः
चन्दन द्रव दिग्धाङ्गी चाम्पेय कुसुमप्रिया ||
madaghUrnita raktAkshi madapATala gaNDabhUh
chandana drava didhAngI chAmpeya kusumapriyA

कुशला कोमलाकारा कुरुकुल्ला कुलेश्र्वरी
कुलकुण्डालया कौल मार्ग तत्पर सेविता||
kushalA komalAkArA kurukullA kuleshwarI
kulakuNDAlayA kaula mArga tatpara sevitA

कुमार गणनाथाम्बा तुष्टिः पुष्टिर् मतिर् धृतिः
शान्तिः स्वस्तिमती कान्तिर् नन्दिनी विध्ननाशिनी ||
kumAra gaNanAthAmbA tushTih puShtir matir dhrutih
shAntih svastimatI kAntir nandinI vighnanAshinI

तेजोवती त्रिनयना लोलाक्षी कामरूपिणी
मालिनी हंसिनी माता मलयाचल वासिनी||
tejovatI trinayanA lolAkshI kAmarUpiNi
mAlinI hamsinI mAtA malayAchala vAsinI 

सुमुखी नलिनी सुभ्रूः शोभना सुरनायिका
कालकण्ठी कान्तिमती क्षोभिणी सूक्ष्मरूपिणी||
sumukhi nalini subhruh shobhanA suranAyikA
kAlakaNThI kAntimatI kshobhiNI sUkshmarUpiNI

वज्रेश्र्वरी वामदेवी वयोऽवस्था विवर्जिता
सिद्धेश्र्वरी सिद्धविद्या सिद्धमाता यशस्विनी ||
vajreshwarI vAmadevi vayo'vasthA vivarjitA
siddheshwarI siddhavidyA siddhamAtA yashasvinI

विशुद्धिचक्र निलया रक्तवर्णा त्रिलोचना
खट्वाङ्गादि प्रहरणा वदैनैक समन्विता||
vishuddhichakra nilayA raktavarNA trilochanA
khaTvAngAdi praharaNA vadanaika samanvitA

पायसान्नप्रिया त्वक्स्था पशुलोक भयङ्करी
अमृतादि महाशक्ति संवृता डाकिनीश्र्वरी ||
pAyasAnnapriyA tvaksthA pashuloka bhayankarI
amrutAdi mahAshakti samvrutA DAkinIshwarI

अनाहताब्ज निलया श्यामाभा वदनद्वया
दंष्ट्रोज्ज्वलाऽक्ष मालादि धरा रुधिरसंस्थिता||
anAhatAbja nilayA shyAmAbhA vadanadvayA
damShTrojjvalA'ksha mAlAdi dharA rudhirasamsthitA

कालरात्र्यादि शक्त्यौघ वृता स्निग्धौदनप्रिया
महावीरेन्द्र वरदा राकिण्यंबा स्वरूपिणी ||
kAlarAtrAyAdi shaktyaugha vrutA snigdhaudanapriyA
mahAvIrendra varadA rAkinNyambA svarUpiNI

मणिपूराब्ज निलया वदनत्रय संयुता
वज्राधिकायुधोपेता डामर्यादिभिराव्रुता ||
maNipUrAbja nilayA vadanatraya samyutA
vajrAdhikAyudhopetA DamaryAdibhirAvrutA

रक्तवर्णा मांसनिष्ठा गुडान्न प्रीत मानसा
समस्तभक्त सुखदा लाकिन्यम्बा स्वरूपिणी||
raktavarNA mAmsaniShThA guDAnna prIta mAnasA
samastabhakta sukhadA lAkinyambA svarUpiNI

स्वाधिष्ठानाम्बुज गता चतुर्वक्त्र मनोहरा
शूलाद्यायुध संपन्ना पीतवर्णाऽतिगर्विता||
svAdhiShThAnAmbuja gatA chaturvaktra manoharA
shUlAdyAyudha sampannA pItavarNA' tigarvitA

मेदोनिष्ठा मधुप्रीता बन्धिन्यादि समन्विता
दध्यन्नासक्त हृदया काकिनी रूप धारिणी ||
medoniShThA madhuprItA bandhinyAdi samanvitA
dadhyannAsakta hrudayA kAkinI rUpa dhAriNI

मूलाधाराम्बुजारूढा पञ्च वक्राऽस्थि संस्थिता
अङ्कुशादि प्रहरणा वरदादि निषेविता ||
mUlAdhArAmbujArUDA pancha vakrA'sthi samsthitA
ankushAdi praharaNA varadAdi niShevitA

  मुद्गौदनासक्त चित्ता साकिन्यम्बा स्वरूपिणी
आज्ञा चक्राब्ज निलया शुक्ल वर्णा षडानना||
mudgaudanAsakta chittA sAkinyambA svarUpiNI
 AgyA chakrAbja nilayA shukla varNA ShaDAnanA

मज्जासंस्था हंसवती मुख्य शक्ति समन्विता
हरिद्रानैक रसिका हाकिनी रूप धारिणी||
majjAsamsthA hamsavatI mukhya shakti samanvitA
haridrAnaika rasikA hAkinI rUpa dhAriNI

सहस्रदल पद्मस्था सर्व वर्णोप शोभिता
सर्वायुधधरा शुक्ल संस्थिता सर्वतोमुखी||
sahasradala padmasthA sarva varNopa shobhitA
sarvAyudhadharA shukla samsthitA sarvatomukhI

सर्वौदन प्रीतचित्ता याकिन्यम्बा स्वरूपिणी
स्वाहा स्वधाऽमतिर् मेधा श्रुतिः स्मृतिरनुत्तमा||
sarvaudana prItachittA yAkinyambA svarUpiNI
svAhA svadhA'matir medhA shruti smrutir anuttamA

पुण्यकीर्तिः पुण्यलभ्या पुण्यश्रवण कीर्तना
पुलोमजार्चिता बन्ध मोचनी बन्धुरालका||
puNyakIrtih puNyalabhyA puNyashravaNa kIrtanA
pulomajArchitA bandha mochanI bandhurAlakA

विमर्शरूपिणी विद्या वियदादि जगत्प्रसूः
सर्वव्याधि प्रशमनी सर्वमृत्यु निवारिणी||
vimarsharUpinI vidyA viyadAdi jagatprasUh
sarvavyAdhi prashamanI sarva mrutyu nivAraNI

अग्रगण्याऽचिन्त्यरूपा कलिकल्मष नाशिनी
कात्यायनी कालहन्त्री कमलाक्ष निषेविता||
agragaNyA chintyarUpA kalikalmaSha nAshinI
kAtyAyanI kAlahantrI kamalAksha niShevitA

ताम्बूल पूरित मुखी दाडिमी कुसुम प्रभा
मृगाक्षी मोहिनी मुख्या मृडानी मित्ररूपिणी||
tAmbUla pUrita mukhi dADimI kusuma prabhA
mrugAkshI mohinI mukhyA mruDAnI mitrarUpiNI

नित्यतृप्ता भक्तनिधिर् नियन्त्री निखिलेश्र्वरी
मैत्र्यादि वासनालभ्या महाप्रलय साक्षिणी||
nityatruptA bhaktanidhir niyantrI nikhileshwarI
maitrAyAdi vAsanAlabhyA mahApralaya sAkshiNI

परा शक्तिः परा निष्ठा प्रज्ञानघन रूपिणी
माध्वीपानालसा मत्ता मातृका वर्ण रूपिणी||
parA shaktih parA niShThA pragyAnaghana rUpiNI
mAdhvIpAnAlasA mattA mAtrukA varNa rUpiNI

महाकैलास निलया मृणाल मृदु दोर्लता
महनीया दयामूर्तिर् महासाम्राज्य शालिनी ||
mahAkailAsa nilayA mruNAla mrudu dorlatA
mahanIyA dayAmUrtir mahAsAmrAjya shAlinI

आत्मविद्या महाविद्या श्रीविद्या कामसेविता
श्री षोडशाक्षरी विद्या त्रिकूटा कामकोटिका ||
AtmavidyA mahAvidyA shrIvidyA kAmasevitA
shrI ShoDashAksharI vidyA trikUTA kAmakoTikA

कटाक्ष किङ्करी भूत कमला कोटि सेविता
शिरः स्थिता चन्द्रनिभा भालस्थेन्द्र धनुः प्रभा||
kaTAksha kinkarI bhUta kamalA koTi sevitA
shirah sthitA chandranibhA bhAlasthendra dhanuh prabhA

हृदयस्था रविप्रख्या त्रिकोणान्तर दीपिका
दाक्षायणी दैत्यहन्त्री दक्षयज्ञ विनाशिनी||
hrudayasthA raviprakhyA trikoNAntara dIpikA
dAkshAyaNI daityahantrI dakshayagya vinAshinI

दरान्दोलित  दीर्घाक्षी दर हासोज्ज्वलन्मुखी
गुरुमूर्तिर् गुण निधिर् गोमाता गुहजन्मभूः ||
darAndolita dIrghAkshI dara hAsojjvalanmukhI
gurumUrtir guNanidhir gomAtA guhajanmabhUh

देवेशी दण्डनीतिस्था दहराकाश रूपिणी
प्रतिपन्मुख्य राकान्त तिथि मण्डल पूजिता||
deveshI daNDanItisthA daharAkAsha rUpiNI
pratipanmukhya rAkAnta tithi maNDala pUjitA

कलात्मिका कलानाथा काव्यालाप विनोदिनी
सचामर रमा वाणी सव्य दक्षिण सेविता||
kalAtmikA kalAnAthA kAvyAlApa vinodinI
sachAmara ramA vANI savya dakshiNa sevitA

आदिशक्तिर् अमेयाऽऽत्मा परमा पावनाकृतिः
अनेककोटि ब्रह्माण्ड जननी दिव्यविग्रहा||
Adishaktir ameyAtmA paramA pAvanAkrutih
anekakoTi brahmANDa jananI divyavigrahA

क्लीन्कारी केवला गुह्या कैवल्य पददायिनी
त्रिपुरा त्रिजगन्वन्द्या त्रिमूर्तिस् त्रिदशेश्र्वरी||
klInkArI kevalA guhyA kaivalya padadAyinI
tripurA trijaganvandyA trimUrtis tridasheshwarI

त्र्यक्षरी दिव्यगन्धाढ्या सिन्दूर तिलकाञ्चिता
उमा शैलेन्द्रतनया गौरी गन्धर्व सेविता||
tryaksharI divyagandhADyA sindUra tilakAnchitA
umA shailendratanayA gaurI gandharva sevitA

विश्र्वगर्भा स्वर्णगर्भाऽवरदा वागधीश्र्वरी
ध्यानगम्याऽपरिच्छेद्या ज्ञानदा ज्ञानविग्रहा||
vishwagarbhA svarNagarbhA'varadA vAgadhIshwarI
dhyAnagamyA'paricchedyA gyAnadA gyAnavigrahA

सर्ववेदान्त संवेद्या सत्यानन्द स्वरूपिणी
लोपामुद्रार्चिता लीला क्लुप्त ब्रह्माण्ड मण्डला||
sarvavedAnta samvedyA satyAnanda svarUpiNI
lopAmudrArchitA lIlA klupta brahmANDa maNDalA

अदृश्या दृश्यरहिता विज्ञात्री वेद्यवर्जिता
योगिनी योगदा योग्या योगानन्दा युगन्धरा||
adrushyA drushyarahitA vigyAtrI vedyavarjitA
yoginI yogadA yogyA yogAnandA yugandharA

इच्छाशक्ति ज्ञानशक्ति क्रियाशक्ति स्वरूपिणी
सर्वाधारा सुप्रतिष्ठा सदसद्रूप धारिणी||
icchAshakti gyAnashakti kriyAshakti svarUpiNI
sarvAdhArA supratiShThA sadasadrUpa dhAriNI

अष्टमूर्तिर् अजाजैत्री लोकयात्रा विधायिनी
एकाकिनी भूमरूपा निर्द्वैता द्वैतवर्जिता||
aShTamUrtir ajAjaitrI lokayAtrA vidhAyinI
ekAkinI bhUmarUpA nirdvaitA dvaitavarjitA

अन्नदा वसुदा वृद्धा ब्रह्मात्मैक्य स्वरूपिणी
बृहती ब्राह्मणी ब्राह्मी ब्रह्मानन्दा बलिप्रिया||
annadA vasudA vruddhA brahmAtmaikya svarUpiNI
bruhatI brAhmaNI brAhmI brahmAnandA balipriyA

भाषारूपा बृहत्सेना भावाभाव विवर्जिता
सुखाराध्या शुभकरी शोभना सुलभागतिः ||
bhAShArUpA bruhatsenA bhAvAbhAva vivarjitA
sukhArAdhyA shubhakarI shobhanA sulabhAgatih

राजराजेश्र्वरी राज्यदायिनी राज्य वल्लभा
राजत्कृपा राजपीठ निवेशित निजाश्रिता||
rAjarAjeshwarI rAjyadAyinI rAjya vallabhA
rAjatkrupA rAjapITha niveshita nijAshritA

राज्यलक्ष्मी कोशनाथा चतुरङ्ग बलेश्र्वरी
साम्राज्य दायिनी सत्यसन्धा सागरमेखला||
rAjyalakshmI koshanAthA chaturanga baleshwarI
sAmrAjya dAyinI satyasandhA sAgaramekhalA

दीक्षिता दैत्यशमनी सर्वलोक वशङ्करी
सर्वार्थदात्री सावित्री सच्चिदानन्द रूपिणि||
dIskshitA daityashamanI sarvaloka vashankarI
sarvArthadAtrI sAvitrI sacchidAnanda rUpiNI

देश कालापरिच्छिन्ना सर्वगा सर्वमोहिनी
सरस्वती शास्त्रमयी गुहाम्बा गुह्यरूपिणी||
desha kAlAparicchinnA sarvagA sarvamohinI
saraswatI shAstramayI guhAmbA guhyarUpiNI

सर्वोपाधि विनिर्मुक्ता सदाशिव पतिव्रता
सम्प्रदायेश्र्वरी  साध्वी गुरुमण्डल रूपिणी|| 
sarvopAdhi vinirmuktA sadAshiva pativratA
sampradAyeshwarI sAdhvI gurumaNDala rUpiNI

कुलोत्तीर्णा भगाराध्या माया मधुमती मही
गणांबा गुह्यकाराध्या कोमलाङ्गी गुरुप्रिया||
kulottIrNA bhagArAdhyA mAyA madhumatI mahI
gaNAmbA guhyakArAdhyA komalAngI gurupriyA

स्वतन्त्रा सर्वतन्त्रेशी दक्षिणामूर्ति रूपिणी
सनकादि समाराध्या शिवज्ञान प्रदायिनी||
svatantrA sarvatantreshI dakshiNAmUrti rUpiNI
sanakAdi samArAdhyA shivagyAna pradAyinI

चित्कलाऽऽनन्द कालिका प्रेमरूपा प्रियङ्करी
नामापारायण प्रीता नन्दिविद्या नटेश्र्वरी||
chitkalA'nanda kalikA premarUpA priyankarI
nAmapArAyaNa prItA nandividyA naTeshwarI

मिथ्या जगदधिष्ठाना मुक्तिदा मुक्तिरूपिणी
लास्यप्रिया लयकरी लजा रम्भादिवन्दिता||
mithyA jagadadhiShThAnA muktidA muktirUpiNI
lAsyapriyA layakarI lajjA rambhAdivanditA

भवदाव सुधावृष्टि: पापारण्य दवानला
दौर्भाग्य तूलवातूला जराध्वान्त रविप्रभा||
bhavadAva sudhAvruShTih pApAraNya davAnalA
daurbhAgya tUlavAtUlA jarAdhvAnta raviprabhA

भाग्याब्धि चन्द्रिका भक्त चित्तकेकी घनाघना
रोगपर्वत दंभोलिर मृत्युदारू कुठारिका ||
bhAgyAbdhi chandrikA bhakta chittakekI ghanAghanA
rogaparvata dambholir mrutyudAru kuThArikA

महेश्र्वरी महाकाली महाग्रासा महाशना
अपर्णा चण्डिका चण्डमुण्डासुर निषूदिनी||
maheshwarI mahAkAlI mahAgrAsA mahAshanA
aparNA chanDikA chaNDamuNDAsura niShUdinI

क्षराक्षरात्मिका सर्व लोकेशी विश्र्वधारिणी
त्रिवर्गदात्री सुभगा त्र्यंबका त्रिगुणात्मिका||
ksharAksharAtmikA sarva lokeshI vishwadhAriNI
trivargadAtrI subhagA tryambakA triguNAtmikA

स्वर्गापवर्गदा शुद्धा जपापुष्प निभाकृतिः
ओजोवती द्युतिधरा यज्ञरूपा प्रियव्रता||
svargApavargadA shuddhA japApuShpa nibhAkrutih
ojovatI dyutidharA yagyarUpA priyavratA

दुराराध्या दुराधर्षा पाटली कुसुम प्रिया
महती मेरुनिलया मन्दार कुसुम प्रिया||
durArAdhyA durAdharShA pATalI kusuma priyA
mahatI merunilayA mandAra kusuma priyA

वीराराध्या विराड्रूपा विरजा विश्र्वतोमुखी
प्रत्यग्रूपा पराकाशा प्राणदा प्राणरूपिणी||
vIrArAdhyA virADrUpA virajA vishwatomukhI
pratyagrUpA parAkAshA prANadA prANarUpiNI

मार्ताण्ड भैरवाराध्या मन्त्रिणीन्यस्त राज्यधूः
त्रिपुरेशी जयत्सेना निस्त्रैगुण्या परापरा||
mArtANDa bhairavArAdhyA mantriNInyasta rAjyadhUh
tripureshI jayatsenA nistraiguNyA parAparA

सत्य ज्ञानानन्द रूपा सामरस्य परायणा
कपर्दिनी कलामाला कामधुक् कामरूपिणी||
satya gyAnAnanda rUpA sAmarasya parAyaNA
kapardinI kalAmAlA kAmadhuk kAmarUpiNI

कलानिधिः काव्यकला रसज्ञा रसशेवधिः
पुष्टा पुरातना पूज्या पुष्करा पुष्करेक्षणा||
kalAnidhih kAvyakalA rasagyA rasashevadhih
puShTA purAtanA pUjyA puShkarA puShkarekshaNA

परन्ज्योतिः परन्धाम परमाणुः परात्परा
पाशहस्ता पाशहन्त्री परमन्त्र विभेदिनी||
paranjoyotih prandhAma paramANuh parAtparA
pAshahastA pAshahantrI paramantra vibhedinI

मूर्ताऽमूर्ताऽनित्यतृप्ता मुनिमानस हंसिका
सत्यव्रता सत्यरूपा सर्वान्तर्यामिनी सती||
mUrtA'mUrtA'nityatruptA munimAnasa hamsikA
satyavratA satyarUpA sarvAntaryAminI satI

ब्रह्माणी ब्रह्मजननी बहुरूपा बुधार्चिता
प्रसवित्री प्रचण्डाऽज्ञा प्रतिष्ठा प्रकटाकृतिः ||
brahmANI brahmajananI bahurUpA budhArchitA
prasavitrI prachaNDA'gyA pratiShThA prakaTAkrutih

प्राणेश्र्वरी प्राणदात्री पञ्चाशत्पीठ रूपिणी
विश्रुन्खला विविक्तस्था वीरमाता वियत्प्रसूः||
prANeshwarI prANadAtrI panchAshatpITha rUpiNI
vishrunkhalA viviktasthA vIramAtA viyatprasUh

मुकुन्दा मुक्तिनिलया मूलविग्रह रूपिणी
भावज्ञा भवरोगघ्नी भवचक्र प्रवर्तिनी||
mukundA muktinilayA mUlavigraha rUpiNI
bhAvagyA bhavarogaghnI bhavachakra pravartinI

च्छन्दः सारा शास्त्रसारा मन्त्रसारा तलोदरी
उदारकीर्तिर् उद्धामवैभवा वर्णरूपिणी||
cchandah sArA shAstrasArA mantrasArA talodarI
udArakIrtir uddhAmavaibhavA varNarUpiNI

जन्ममृत्यु जरातप्त जनविश्रान्ति दायिनी
सर्वोपनिष दुद्घुष्टा शान्त्यतीत कलात्मिका||
janmamrutyu jarAtapta janavishrAnti dAyinI
sarvopaniSha dudghuShTA shAntyatIta kalAtmikA

  गम्भीरा गगनान्तस्था गर्विता गानलोलुपा
कल्पना रहिता काष्ठाऽकान्ता कान्तार्ध विग्रहा||
gambhIrA gaganAtasthA garvitA gAnalolupA
kalpanA rahitA kAShThA'kAntA kAntArdha vigrahA

कार्यकारण निर्मुक्ता कामकेलि तरङ्गिता
कनत्कनकता टङ्का लीला विग्रह धारिणी||
kAryakAraNa nirmuktA kAmakeli tarangitA
kanat-kanakatA TankA lIlA vigraha dhAriNI

अजा क्षयविनिर्मुक्ता मुग्धा क्षिप्र प्रसादिनी
अन्तर्मुख समाराध्या बहिर्मुख सुदुर्लभा||
ajA kshayavinirmuktA mugdhA kshipra prasAdinI
antarmukha samArAdhyA bahirmukha sudurlabhA

त्रयी त्रिवर्गनिलया त्रिस्था त्रिपुरमालिनी
निरामया निरालम्बा स्वात्मारामा सुधासृतिः||
trayI trivarganilayA tristhA tripuramAlinI
nirAmayA nirAlambA svAtmArAmA sudhAsrutih

संसारपङ्क निर्मग्न समुद्दरण पण्डिता
यज्ञप्रिया यज्ञकर्त्री यजमान स्वरूपिणी||
samsArapanka nirmagna samuddharaNa paNDitA
yagyapriyA yagyakartrI yajamAnaswarUpiNI

धर्माधारा धनाध्यक्षा धनधान्य विवर्धिनी
विप्रप्रिया विप्ररूपा विश्र्वभ्रमण कारिणी||
dharmAdhArA dhanAdhyakshA dhanadhAnya vivardhinI
viprapriyA viprarUpA vishwabhramaNa kAriNI

विश्र्वग्रासा विद्रुमाभा वैष्णवी विष्णुरूपिणी
अयोनिर् योनिनिलया कूटस्था कुलरूपिणी||
vishwagrAsA vidrumAbhA vaiShNavI viShNurUpiNI
ayonir yoninilayA kUTasthA kularUpiNI

वीरगोष्ठीप्रिया वीरा नैष्कर्म्या नादरूपिणी
विज्ञानकलना कल्या विदग्धा बैन्दवासना||
vIragoShThIpriyA vIrA naishkarmya nAdarUpiNI
vigyAnakalanA kalyA vidagdhA baindavAsanA

तत्तवाधिका तत्तवमयी तत्वमर्थ स्वरूपिणी
सामगानप्रिया सौम्या सदाशिव कुटुम्बिनी ||
tatvAdhikA tatvamayI tatvamartha svarUpiNI
sAmagAnapriyA saumyA sadAshiva kuTumbinI

सव्यापसव्य मार्गस्था सर्वापद्धिनिवारिणी
स्वस्था स्वभावमधुरा धीरा धीरसमर्चिता||
savyApasavya mArgasthA sarvApaddhinivAriNI
svasthA svabhAvamadhurA dhIrA dhIrasamarchitA

चैतन्यार्घ्य समाराध्या चैतन्य कुसुमप्रिया
सदोदिता सदातुष्टा तरुणादित्य पाटला ||
chaitanyArghya samArAdhyA chaitanya kusumapriyA
sadoditA sadAtuShTA taruNAditya pATalA

दक्षिणा दक्षिणाराध्या दरस्मेर मुखाम्बुजा
कौलिनी केवलाऽनर्घ्य कैवल्य पददायिनी||
dakshiNA dakshiNArAdhyA darasmera mukhAmbujA
kaulinI kevalA'narghya kaivalya padadAyinI

स्तोत्रप्रिया स्तुतिमती श्रुति संस्तुत वैभवा
मनस्विनी मानवती महेशी मङ्गलाकृतिः||
stotrapriyA stutimatI shruti samstuta vaibhavA
manasvinI mAnavatI maheshI mangalAkrutih

विश्र्वमाता जगद्धात्री विशालाक्षी विरागिणी
प्रगल्भा परमोदारा परामोदा मनोमयी||
vishwamAtA jagaddhAtrI vishAlAkshI virAgiNI
pragalbA paramodArA parAmodA manomayI

व्योमकेशी विमानस्था वज्रिणी वामकेश्र्वरी
पञ्चयज्ञ प्रिया पञ्च प्रेत मञ्चाधिशायिनी||
vyomakeshI vimAnasthA vajriNI vAmakeshwarI
panchayagya priyA pancha preta manchAdhishAyinI

पञ्चमी पञ्च भूतेशी पञ्च संख्योपचारिणी
शाश्र्वती शाश्र्वतैश्वर्या शर्मदा शंभु मोहिनी||
panchamI pancha bhUteshI pancha samkhyopachAriNI
shAshwatI shAshwataishwaryA sharmadA shambhu mohinI

धरा धरसुता धन्या धर्मिणी धर्मवर्धिनी
लोकातीता गुणातीता सर्वातीता शमात्मिका||
dharA dharasutA dhanyA dharmiNI dharmavardhinI
lokAtItA guNAtItA sarvAtItA shamAtmikA

बन्धूक कुसुमप्रख्या बाला लीलाविनोदिनी
सुमङ्गली सुखकरी सुवेषाढ्या सुवासिनी ||
bandhUka kusumaprakhyA bAlA lIlAvinodinI
sumangalI sukhakari suveShADyA suvAsinI

सुवासिन्यर्चन प्रीताऽऽशोभना शुद्धमानसा
बिन्दु तर्पण संतुष्टा पूर्वजा त्रिपुराम्बिका||
suvAsinyarchana prItA'shobhanA shuddhamAnasA
bindu tarpaNa santuShTA pUrvajA tripurAmbikA

दशमुद्रा समाराध्या त्रिपुराश्री वशङ्करी
ज्ञानमुद्रा ज्ञानगम्या ज्ञानज्ञेय स्वरूपिणी||
dashamudrA samArAdhyA tripurAshrI vashankarI
gyAnamudrA gyAnagamyA gyAnagyeya svarUpiNI

योनिमुद्रा त्रिखण्डेशी त्रिगुणांबा त्रिकोणगा
अनघाऽद्भुत चारित्रा वाञ्छितार्थ प्रदायिनी ||
yonimudrA trikhaNDeshI triguNAmbA trikoNagA
anaghA'dbhuta chAritrA vAnchitArtha pradAyinI

अभ्यासातिशय ज्ञाता षडध्वातीत रूपिणी
अव्याज करुणा मूर्तिर् अज्ञान ध्वान्त दीपिका||
abhyAsAtishaya gyAtA ShaDadhvAtIta rUpiNI
avyAja karuNA mUrtir agyAna dhvAnta dIpikA

आबाल गोप विदिता सर्वानुल्लङ्ग्य शासना
श्रीचक्र राज निलया श्रीमत् त्रिपुरसुन्दरी ||
AbAla gopa viditA sarvAnullangya shAsanA
shrI chakra rAja nilayA shrImat tripurasundarI

श्रीशिवा शिव शक्त्यौक्य रूपिणी ललिताम्बिका
shrIshivA shiva shaktyaukya rUpiNI lalitAmbikA

एवं श्री ललिता देव्या नाम् नाम् साहस्रकं जगुः
evam shrI lalitAdevyA nAm nAm sAhasrakam jaguh

इति श्री ब्रह्माण्डपुराणे उत्तर खण्डे श्री हयग्रीवागस्त्यसंवादे
iti shrI brahmANDapurANe uttarakhaNDe shrI hayagrIvAgastya samvAde

श्रीललिता सहस्रनाम स्तोत्र कथनं संपूर्णं ||
shrI lalitAsahasranAma stotra kathanam sampUrNam

21 comments:

  1. THANK YOU VERY MUCH NANDINI JI,
    AFTER A LONG SEARCH I FIND THIS IN YOUR BLOG.THANK YOU VERY MUCH FOR POSTING THIS IMPORTANT SHOLOKAS.

    ReplyDelete
  2. Namaskaram Gauravji. Glad to know you could find some slokas of your choice in this blog. Thank you so much for your acknowledgment. God bless us all!

    Hari Aum!
    Nandini

    ReplyDelete
  3. Sir, there is a missing line in Shloka Nos. 38 and 39. the missing line are as under may kindly correct. thanks for posting all these shlokas.

    Shloka No. 38
    मणि पूरान्तरुदिता विष्णुग्रन्थि विभोदिनी

    Shloka No. 39
    आ‌‌‌‍ज्ञा चक्रान्तरालस्था रुद्रग्रन्थि विभोदिनी

    ReplyDelete
    Replies
    1. Thank you so much for pointing that out :) I am sorry about that.

      Hari Aum,
      Nandini

      Delete
  4. Truly beautiful verses...Thank you...

    ReplyDelete
  5. sir can i get in tamil

    ReplyDelete
    Replies
    1. Namaskaram,

      I do not have it in Tamil yet. I shall post when I do it.

      Sorry about it.

      Hari Aum!

      Delete
  6. meaning of this stotra in Hindi is anywhere?

    ReplyDelete
    Replies
    1. Namaskaram,

      I have not come across that anywhere. Will share if I get it.

      Hari Aum!

      Delete
    2. For the Hindi meaning of Lalitha Sahasranam names , please see this link -
      http://lalitaasahasranam.blogspot.in/2014/07/1-50.html?spref=fb

      Delete
  7. I NEED LALITA SAHASTRANAMA PHALSHRUTI . AND I WANT TO HOW TO SPEAK PHALASHRUTI. PLS PROVIDE, REGARDS.

    ReplyDelete
  8. Jay Mai Jay Markand Mai, For detailed commentary on Lalitha Sahasranama by Saint Mai Swarupa please see the link - https://mohankharkar.com/2015/09/01/god-as-mother-names-1-to-10/. THANKS.

    ReplyDelete
  9. Respected Sir/ Madaam
    could you provide Shri Lalita Sahastranam with hindi meaning

    ReplyDelete
    Replies
    1. Namaskaram,

      There is a link that has been provided above by a visitor, Mohan Kharkar ji. I am posting that link here again.
      http://lalitaasahasranam.blogspot.in/2014/07/1-50.html?spref=fb

      Hari Aum!

      Delete
  10. Pranamam,

    Very informative article about the "Lalitha Sahasranamam". Looking for more posts on lalitha sahasranama.
    I would like to share information on Lalitha Sahasranamam.

    ReplyDelete
  11. How do I down load Sanskrit/English version of the PDF ?

    ReplyDelete
  12. How can I copy and paste it in my personal document for reciting. From here as I am unable to copy it

    ReplyDelete
    Replies
    1. Namaskaram. You can download the PDF using the link provided at the top.

      Hari Aum.

      Delete

Hari Aum. Your comments are welcome. However, please refrain from posting meaningless messages that waste yours and my time. Such comments will be treated as spam and will not be published.

Bhagavad Gita

Bhagavad Gita