Mahishasura Mardini Stotram






अयि गिरिनन्दिनि नन्दितमेदिनि विश्वविनोदिनि नन्दिनुते
गिरिवर विन्ध्यशिरोऽधिनिवासिनि विष्णुविलासिनि जिष्णुनुते
भगवति हे शितिकण्ठकुटुंबिनि भूरिकुटुंबिनि भूरिकृते
जय जय हे महिषासुरमर्दिनि रम्यकपर्दिनि शैलसुते || ||

ayi girinandini nandita medini vishwavinodini nandinute
girivara vindhyashirodhinivasini viShNuvilAsini juShNu nute
bhagavati he shitikanTha kuTumbini bhUri kuTumbini bhUrikrute
jaya jaya he mahiShAsuramardini ramyakapardini shailasute (1)

सुरवरवर्षिणि दुर्धरधर्षिणि दुर्मुखमर्षिणि हर्षरते
त्रिभुवनपोषिणि शंकरतोषिणि किल्बिषमोषिणि घोषरते
दनुजनिरोषिणि दितिसुतरोषिणि दुर्मदशोषिणि सिन्धुसुते
जय जय हे महिषासुरमर्दिनि रम्यकपर्दिनि शैलसुते || ||

suravaravarShiNi durdharadharShiNi durmukhamarShiNi harSharate
tribhuvana poShiNi shankaratoShiNi kilbiShamoShiNi ghoSharate
danuja niroShiNi diti-suta-roShiNi durmadashoShiNi sindhusute
jaya jaya he mahiShAsuramardini ramyakapardini shailasute (2)

अयिजगदम्ब मदंब कदम्ब वनप्रियवासिनि हासरते
शिखरि शिरोमणि तुङ्गहिमालय शृङ्गनिजालय मध्यगते
मधुमधुरे मधुकैटभगञ्जिनि कैटभभञ्जिनि रासरते
जय जय हे महिषासुरमर्दिनि रम्यकपर्दिनि शैलसुते || ||

ayi jagadamba madamba kadamba vanapriyavAsini hAsarate
shikhari shiromaNi tungahimAlaya shrunganijAlaya madhyagate
madhu-madhure madhu-kaiTabha-ganjini kaiTabha-bhanjini rAsarate
jaya jaya he mahiShAsuramardini ramyakapardini shailasute (3)

अयि शतखण्ड विखण्डितरुण्ड वितुण्डितशुण्ड गजाधिपते
रिपुगजगण्ड विदारणचण्ड पराक्रमशुण्ड मृगाधिपते
निजभुजदण्ड निपातितखण्ड विपातितमुण्ड भटाधिपते
जय जय हे महिषासुरमर्दिनि रम्यकपर्दिनि शैलसुते || ||

ayi shatakhaNDa vikhaNDitaruNDa vituNDitashuNDa gajAdhipate
ripugajagaNDa vidAraNachaNDa parAkramashuNDa mrugAdhipate
nijabhujadaNDa nipAtitakhaNDa vipAtitamuNDa bhaTAdhipate
jaya jaya he mahiShAsuramardini ramyakapardini shailasute (4)

अयि रणदुर्मद शत्रुवधोदित दुर्धरनिर्जर शक्तिभृते
चतुरविचार धुरीणमहाशिव दूतकृत प्रमथाधिपते
दुरितदुरीह दुराशयदुर्मति दानवदूत कृतान्तमते
जय जय हे महिषासुरमर्दिनि रम्यकपर्दिनि शैलसुते || ||

ayi raNadurmada shatruvadhodita durdharanirjara shaktibhrute
chaturavichAra dhurINamahAshiva dUtakruta pramathAdhipate
duritadurIha durAshayadurmati dAnavadUta krutAntamate
jaya jaya he mahiShAsuramardini ramyakapardini shailasute (5)

अयि शरणागत वैरिवधूवर वीरवराभय दायकरे
त्रिभुवन मस्तक शूलविरोधि शिरोधिऽकृतामल शूलकरे
दुमिदुमितामर धुन्दुभिनादमहोमुखरीकृत दिङ्मकरे
जय जय हे महिषासुरमर्दिनि रम्यकपर्दिनि शैलसुते || ||

ayi sharaNAgata vairivadhUvara vIravarAbhaya dAyakare
tribhuvana mastaka shUlavirodhi shirodhi'krutAmala shUlakare
dumidumitAmara dhundubhinAdamahomukharIkruta dingmakare
jaya jaya he mahiShAsuramardini ramyakapardini shailasute (6)

अयि निजहुङ्कृति मात्रनिराकृत धूम्रविलोचन धूम्रशते
समरविशोषित शोणितबीज समुद्भवशोणित बीजलते
शिवशिवशुम्भ निशुम्भमहाहव तर्पितभूत पिशाचरते
जय जय हे महिषासुरमर्दिनि रम्यकपर्दिनि शैलसुते || ||

ayi nijahUmkruti mAtranirAkruta dhUmravilochana dhUmrashate
samaravishoShita shoNitabeeja samudbhavashoNita beejalate
shivashivashumbha nishumbhamahAhava tarpitabhUta pishAcharate
jaya jaya he mahiShAsuramardini ramyakapardini shailasute (7)

धनुरनुषङ्ग रणक्षणसङ्ग परिस्फुरदङ्ग नटत्कटके
कनकपिशङ्ग पृषत्कनिषङ्ग रसद्भटशृङ्ग हताबटुके
कृतचतुरङ्ग बलक्षितिरङ्ग घटद्बहुरङ्ग रटद्बटुके
जय जय हे महिषासुरमर्दिनि रम्यकपर्दिनि शैलसुते || ||

dhanuranuShanga raNakshaNasanga parisphuradanga naTatkaTake
kanakapishanga pruShatkaniShanga rasadbhaTashrunga hatAbaTuke
krutachaturanga balakshitiranga ghatadbahuranga raTadbaTuke
jaya jaya he mahiShAsuramardini ramyakapardini shailasute (8)

जय जय जप्य जयेजयशब्द परस्तुति तत्परविश्वनुते
झणझणझिन्झिमि झिङ्कृत नूपुरशिञ्जितमोहित भूतपते
नटित नटार्ध नटी नट नायक नाटितनाट्य सुगानरते
जय जय हे महिषासुरमर्दिनि रम्यकपर्दिनि शैलसुते || ||

jaya jaya japya jayejayashabda parastuti tatparavishwanute
jhaNajhaNa jhinjhimi jhinkruta nUpurashinchitamohita bhUtapate
naTita naTArdha naTI naTa nAyaka nATitanATya sugAnarate
jaya jaya he mahiShAsuramardini ramyakapardini shailasute (9)

अयि सुमनः सुमनः सुमनः  सुमनः सुमनोहरकान्तियुते
श्रितरजनी रजनीरजनी रजनीरजनी करवक्त्रवृते
सुनयनविभ्रमर भ्रमर भ्रमर भ्रमर भ्रमराधिपते
जय जय हे महिषासुरमर्दिनि रम्यकपर्दिनि शैलसुते || १० ||

ayi sumanah sumanah sumanah sumanah sumanoharakAntiyute
shritarajanI rajanIrajanI rajanIrajanI karavaktravrute
sunayanavibhramara bhramara bhramara bhramara bhramarAdhipate
jaya jaya he mahiShAsuramardini ramyakapardini shailasute (10)

सहितमहाहव मल्लमतल्लिक मल्लितरल्लक मल्लरते
विरचितवल्लिक पल्लिकमल्लिक झिल्लिकभिल्लिक वर्गवृते
शितकृतफुल्ल समुल्लसितारुण तल्लजपल्लव सल्ललिते
जय जय हे महिषासुरमर्दिनि रम्यकपर्दिनि शैलसुते || ११ ||

sahitamahAhava mallamatallika mallitarallaka mallarate
virachitavallika pallikamallika jhillikabhillika vargavrute
shitakrutaphulla samullasitAruNa tallajapallava sallalite
jaya jaya he mahiShAsuramardini ramyakapardini shailasute (11)

अविरलगण्ड गलन्मदमेदुर मत्तमतङ्ग जराजपते
त्रिभुवनभूषण भूतकलानिधि रूपपयोनिधि राजसुते
अयि सदतीजन लालसमानस मोहन मन्मथराजसुते
जय जय हे महिषासुरमर्दिनि रम्यकपर्दिनि शैलसुते || १२ ||

aviralagaNDa galanmadamedura mattamatanga ja rAjapate
tribhuvanabhUShaNa bhUtakalAnidhi rUpapayonidhi rAjasute
ayi sadatIjana lAlasamAnasa mohana manmatharAjasute
jaya jaya he mahiShAsuramardini ramyakapardini shailasute (12)

कमलदलामल कोमलकान्ति कलाकलितामल भाललते
सकलविलास कलानिलयक्रम केलिचलत्कल हंसकुले
अलिकुलसंकुल कुवलयमण्डल मौलिमिलद्बकुलालिकुले
जय जय हे महिषासुरमर्दिनि रम्यकपर्दिनि शैलसुते || १३ ||

kamaladalAmala komalakAnti kalAkalitAmala bhAlalate
sakalavilAsa kalAnilayakrama kelichalatkala hamsakule
alikulasankula kuvalayamaNDala mowlimiladbakulAlikule
jaya jaya he mahiShAsuramardini ramyakapardini shailasute (13)

करमुरलीरव वीजितकूजित लज्जितकोकिल मञ्जुमते
मिलितपुलिन्द मनोहरगुञ्जीत रञ्जितशैल निकुञ्जगते
निजगुणभूत महाशबरीगण सद्गुणसंभृत केलितले
जय जय हे महिषासुरमर्दिनि रम्यकपर्दिनि शैलसुते || १४ ||

karamuralIrava vIjitakUjita lajjitakokila manjumate
militapulinda manoharagunjita ranjitashaila nikunjagate
nijaguNabhUta mahAshabarIgaNa sadguNasambhruta kelitale
jaya jaya he mahiShAsuramardini ramyakapardini shailasute (14)

कटितटपीत दुकूलविचित्र मयूखतिरस्कृत चन्द्ररुचे
प्रणतसुरासुर मौलिमणिस्फुर दंशुलसन्नख चन्द्ररुचे
जितकनकाचल मौलिमदोर्जित निर्भरकुन्जर कुम्भकुचे
जय जय हे महिषासुरमर्दिनि रम्यकपर्दिनि शैलसुते || १५ ||

kaTitaTapIta dukUlavichitra mayUkhatiraskruta chandraruche
praNatasurAsura mowlimaNisphura damshulasannakha chandraruche
jitakanakAchala mowlimadorjita nirbharakunjara kumbhakuche
jaya jaya he mahiShAsuramardini ramyakapardini shailasute (15)

विजितसहस्रकरैक सहस्रकरैक सहस्रकरैकनुते
कृतसुरतारक सङ्गरतारक सङ्गरतारक सूनुसुते
सुरथसमाधि समानसमाधि समाधिसमाधि सुजातरते
जय जय हे महिषासुरमर्दिनि रम्यकपर्दिनि शैलसुते || १६ ||

vijitasahasrakaraika sahasrakaraika sahasrakaraikanute
krutasuratAraka sangaratAraka sangaratAraka sUnusute
surathasamAdhi samAnasamAdhi samAdhisamAdhi sujAtarate
jaya jaya he mahiShAsuramardini ramyakapardini shailasute (16)


पदकमलं करुणानिलये वरिवस्यति योऽनुदिनं सुशिवे
अयि कमले कमलानिलये कमलानिलयः स कथं न भवेत्
तव पदमेव परंपदमित्यनुशीलयतो मम किं न शिवे
जय जय हे महिषासुरमर्दिनि रम्यकपर्दिनि शैलसुते || १७ ||

padakamalam karuNAnilaye varivasyati yo'nudinam sushive
ayi kamale kamalAnilaye kamalAnilayah sa katham na bhavet
tava padameva parampadamityanushIlayato mama kim na shive
jaya jaya he mahiShAsuramardini ramyakapardini shailasute (17)

कनकलसत्कलसिन्धुजलैरनुषिन्चति तेगुणरङ्गभुवम्
भजति स किं न शचीकुचकुम्भतटीपरिरम्भसुखानुभवम्
तव चरणं शरणं करवाणि नतामरवाणि निवासिशिवम्
जय जय हे महिषासुरमर्दिनि रम्यकपर्दिनि शैलसुते || १८ ||

kanaka lasat kala sindhu jalair anushinchati te guNa rangabhuvam
bhajati sa kim na shachI kucha kumbha taTI parirambha sukhAnubhavam
tava charaNam sharaNam karavANi natAmaravANi nivAsishivam
jaya jaya he mahiShAsuramardini ramyakapardini shailasute (18)

तव विमलेन्दुकुलं वदनेन्दुमलं सकलं ननु कूलयते
किमु पुरुहूतपुरीन्दु मुखी सुमुखीभिरसौ विमुखीक्रियते
मम तु मतं शिवनामधने भवति कृपया किमुत क्रियते
जय जय हे महिषासुरमर्दिनि रम्यकपर्दिनि शैलसुते || १९ ||

tava vimalendu kulam vadanendumalam sakalam nanu kUlayate
kimu puruhUtapurIndu mukhI sumukhIbhir asow vimukhIkriyate
mama tu matam shiva nA madhane bhavati krupayA kimuta kriyate
jaya jaya he mahiShAsuramardini ramyakapardini shailasute (19)

अयि मयि दीन दयालुतया कृपयैव त्वया भवितव्यमुमे
अयि जगतो जननी कृपयासि यथासि तथानुमितासिरते
यदुचितमत्र भवत्युररीकुरुतादुरुतापमपाकुरुते
जय जय हे महिषासुरमर्दिनि रम्यकपर्दिनि शैलसुते || २० ||

ayi mayi dIna dayAlutayA krupayaiva tvayA bhavitavyamume
ayi jagato jananI krupayAsi yathAsi tathAnumitAsirate
yaduchitam atra bhavatyurarI kurutA duru tApam apAkurute
jaya jaya he mahiShAsuramardini ramyakapardini shailasute (20)

Bhagavad Gita

Bhagavad Gita