Sri Saraswati Stotram


या कुन्देन्दु तुषारहार धवला या शुभ्रवस्त्रान्विता
या वीणा वरदण्ड मण्डितकरा या श्र्वेत-पद्मासना
या ब्रह्माच्युतशंकर प्रभृतिभिः देवैः सदा पूजिता
सा मां पातु सरस्वती भगवती निःशेष जाड्यापहा
yA kundendu tushArahAra dhavalA yA shubhravastrAnvita
yA veenA varadaNda maNditakarA yA shweta-padmAsanA
yA brahmAchyutashankara prabhrutibhih devaih sadA poojitA
sA mAm pAtu sarswatI bhagavatI nihsesha jAdyApahA

दोर्भिर्युक्ता चतुर्भिः स्फटिक-मणिमयीम्-अक्षमालां दधाना
हस्तेनैकेन पद्मं सितमपि च शुकं पुस्तकं चापरेण
भासा कुन्देन्दुशङ्ख-स्फटिकमणिनिभा  भासमानासमाना
सा मे वाग्देवतेयं निवसतु वदने सर्वदा सुप्रसन्ना ॥
dorbhiryuktA chaturbhih sphaTika-maNimayeem-akshamAlAm dadhAnA
hastenaikena padmam sitamapi cha shukam pustakam chApareNa
bhAsA kundendushankha-sphaTikamaNinibhA bhAsamAnAsamAnA
sA me vAgdevateyam nivasatu vadane sarvadA suprasannA
सुरासुर-सेवित-पादपङ्कजा
करे विराजित्-कमनीय-पुस्तका
विरिञ्चिपत्नी कमलासनस्थिता
सरस्वती नृत्यतु वाचि मे सदा ॥
surAsura-sevita-pAdapankajA
kare virAjit-kamanIya-pustakA
virinchipatnI kamalAsanasthitA
saraswatI nrutyatu vAchi me sadA

सरस्वती सरसिज-केसर-प्रभा
तपस्विनी सित-कमलासनप्रिया
घनस्तनी कमलविलोल-लोचना
मनस्विनी भवतु वरप्रसादिनी ॥
saraswatI sarasija-kesara-prabhA
tapasvinI sita-kamalAsanapriyA
ghanastanI kamalavilola-lochanA
manasvinI bhavatu varaprasAdinI

सरस्वति नमस्तुभ्यं वरदे कामरूपिणि
विद्यारम्भं करिष्यामि सिद्धिर्भवतु मे सदा
saraswati namastubhyam varade kAmaroopiNi
vidyArambham karishyAmi siddhirbhavatu me sadA

Bhagavad Gita

Bhagavad Gita