Vedasara Shiva Stotram



By Sri Adi Shankaracharya

वेदसारशिवस्तोत्रम्

पशूनां पतिं पापनाशं परेशं - गजेन्द्रस्य कृत्तिं वसानं वरेण्यम् |
जटाजूटमध्ये स्फुरद्गाङ्गवारिं - महादेवमेकं स्मरामि स्मरारिम् ||

pashUnAm patim pApanAsham paresham 
gajendrasya kruttim vasAnam vareNyam
jaThAjUThamadhye sphuradgAngavArim 
 mahAdevamekam smarAmi smarArim (1)

महेशं सुरेशं सुरारातिनाशं - विभुं विश्र्वनाथम् विभूत्यङ्गभूषम् |
विरुपाक्षमिन्द्वर्कवह्निनेत्रं - सदानन्दमीडे प्रभुं पञ्चवक्त्रम् ||

mahesham suresham surArAtinAsham
 vibhum vishwanAtham vibhUtyangabhUSham
virUpAkshamindvarkavahnitrinetram
 sadAnandamIDe prabhum panchavaktram (2)

गिरीशं गणेशं गले नीलवर्णं - गवेन्द्राधिरूढम् गुणातीतरूपम् |
भवं भास्वरं भस्मना भूषिताङ्गम् - भवानीकलत्रं भजे पञ्चवक्त्रम् ||

girIsham gaNesham gale nIlavarNam 
gavendrAdhirooDham guNAtItarUpam
bhavam bhAsvaram bhasmanA bhUShitAngam 
bhavAnIkalatram bhaje panchavaktram (3)

शिवाकान्त शम्भो शशाङ्कार्धमौले - महेशान शूलिन् जटाजूटधारिन् |
त्वमेको जगद्व्यापको विश्र्वरूप: - प्रसीद प्रसीद प्रभो पूर्णरूपम् ||

shivAkAnta shambho shashAnkArdhamaule 
maheshAna shUlin jaTAjooTadhArin
tvameko jagadvyApako vishwarUpah 
prasIda prasIda prabho pUrNarUpam (4)

परात्मानमेकं जगद्बीजमाद्यं - निरीहं निराकारं ओम्कारवेद्यम् |
यतो जायते पाल्यते येन विश्र्वम् - तमीशं भजे लीयते यत्र विश्र्वम् ||

parAtmAnamekam jagadbIjamAdyam
nireeham nirAkAramomkAravedyam
yato jAyate pAlyate yena vishwam
tamIsham bhaje leeyate yatra vishwam (5)


न भूमिर्न चापो न वह्निर्न वायु - र्न चाकाशमास्ते न तन्द्रा न निद्रा |
न चोष्णं न शीतं न देशो न वेषो - न यस्यास्ति मूर्तिस्त्रिमूर्तिं तमीडे ||

na bhUmirna chApo na vahnirna vAyur
na chAkAshamAste na tandrA na nidrA
na choShNam na shItam na desho na veSho
na yasyAsti mUrtistrimUrtim tamIDe (6)

अजं शाश्र्वतम् कारणं कारणानां - शिवं केवलं भासकं भासकानाम् |
तुरीयं तमः पारमाद्यन्तहीनम् - प्रपद्ये परम् पावनं द्वैतहीनम् ||

ajam shAshwatam kAraNam kAraNAnAm
shivam kevalam bhAsakam bhAsakAnAm
turIyam tamah pAramAdyantahInam
prapadye param pAvanam dvitahInam (7)

नमस्ते नमस्ते विभो विश्र्वमूर्ते - नमस्ते नमस्ते चिदानन्दमूर्ते |
नमस्ते नमस्ते तपोयोगगम्य नमस्ते नमस्ते श्रुतिज्ञानगम्य ||

namaste namaste vibho vishwamUrte
namaste namaste chidAnandamUrte
namaste namaste tapoyogagamya
namaste namaste shrutigyAnagamya (8)

प्रभो शूलपाणे विभो विश्र्वनाथ-महादेव शम्भो महेश त्रिनेत्र |
शिवाकन्त शान्त स्मरारे पुरारे - त्वदन्यो वरेण्यो न मान्यो न गण्यः ||

prabho shUlapANe vibho vishwanAtha
mahAdeva shambho mahesha trinetra
shivAkAnta shAnta smarAre purAre
tvadanyo vareNyo na mAnyo na gaNyah (9)

शम्भो महेश करुणामय शूलपाणे - गौरीपते पशुपते पशुपाशनाशिन् |
काशीपते करुणया जगदेतदेक - स्त्वं हंसि पासि विदधासि महेश्र्वरोऽसि ||

shambho mahesha karuNAmaya shUlapANe
gaurIpate pashupate pashupAshanAshin
kAshIpate karuNayA jagadetadeka
stvam hamsi pAsi vidadhAsi maheshwaro'si (10)

त्वत्तो जगद्भवति देव भव स्मरारे - त्वय्येव तिष्ठति जगन्मृड विश्र्वनाथ |
त्वय्येव गच्छति लयं जगदेतदीश - लिङ्गात्मके हर चराचरविश्र्वरूपिन् ||

tvatto jagadbhavati deva bhava smarAre
tvayyeva tiShThati jaganmruDa vishwanAtha
tvayyeva gacchati layam jagadetadIsha
lingAtmake hara charAcharavishwarUpin (10)

5 comments:

  1. Can we chanting only one shlok above stotram daily?

    Gaurang Bhatt

    ReplyDelete
    Replies
    1. Namaskaram,

      I think you can. I do it sometimes.

      Hari Aum!

      Delete

Hari Aum! Thank you so much for taking your time to leave a message.You can also email me at JOYFULSLOKAS at GMAIL dot COM.

Bhagavad Gita

Bhagavad Gita
If you don't find the sloka PDF attached and would like to have one, kindly email me (joyfulslokas at gmail dot com) your request.