Sri Shankaracharya Stavam


YouTube Link

Tamil Version

||श्रीशङ्कराचार्यस्तवः||
shrI shankarAchAryastavah

(Composed by Jagadguru Bharathi Teertha Mahaswami of Sringeri Mutt)

श्रीशङ्कराचार्यवर्यं सर्वलोकैकवन्द्यं भजे देशिकेन्द्रम्
shrIshankarAchAryavaryam sarvalokaikavandyam bhaje deshikendram

धर्मप्रचारेऽतिदक्षं योगिगोविन्दपादाप्तसन्यासदीक्षम् |
दुर्वादिगर्वापनोदं पद्मपादादिशिष्यालिसंसेव्यपादम् ||१||
dharmaprachAretidaksham yogigovindapAdAptasanyAsadIksham
durvAdigarvApanodam padmapAdAdishishyAlisamsevyapAdam (1)

(श्रीशङ्कराचार्यवर्यं )

शङ्काद्रिदम्भोलिलीलं किन्कराशेषशिष्यालि संत्राणशीलम् |
बालार्कनीकाशचेलं बोधिताशेषवेदान्त गूढार्थजालम् ||२||
shankAdridambholileelam kinkarAsheShashiShyAli santrANashIlam
bAlArkanIkAshachelam bodhitAsheShavedAnta gUDhArthajAlam (2)

(श्रीशङ्कराचार्यवर्यं )

रुद्राक्षमालाविभूषं चन्द्रमौलीश्वराराधनावाप्ततोषम् |
विद्राविताशेषदोषं भद्रपूगप्रदं भक्तलोकस्य नित्यम् ||३||
rudrAkshamAlAvibhUSham chandramoulIshwarArAdhanAvAptatoSham
vidrAvitAsheShadoSham bhadrapUgapradam bhaktalokasya nityam (3)

(श्रीशङ्कराचार्यवर्यं )

पापाटवीचित्रभानुं ज्ञानदीपेन हार्दं तमो वारयन्तम् |
द्वैपायनप्रीतिभाजं सर्वतापापहामोघबोधप्रदं तम् ||४||
pApATavIchitrabhAnum gyAnadeepena hArdam tamo vArayantam
dvaipAyanaprItibhAjam sarvatApApahAmoghabodhapradam tam (4)

(श्रीशङ्कराचार्यवर्यं )

राजाधिराजाभिपूज्यं रम्यशृङ्गाद्रिवासैकलोलं यतीड्यम् |
राकेन्दुसङ्काशवक्त्रं रत्नगर्भेभवक्त्राङ्घ्रिपूजानुरक्तम् || ५||
rAjAdhirAjAbhipUjyam ramyashringAdrivAsaikalolam yatIDyam
rAkendusankAshavaktram ratnagarbhebhavaktrAnghripUjAnuraktam (5)

(श्रीशङ्कराचार्यवर्यं )

श्रीभारतीतीर्थगीतं शङ्करार्यस्तवं यः पठेद्भक्तियुक्तः |
सोऽवाप्नुयात्सर्वमिष्टं शङ्कराचार्यवर्यप्रसादेन तूर्णम् ||६||
shrIbhAratIteerthagItam shankarAryastavam yah paThedbhaktiyuktah
sovApnuyAtsarvamiShTam shankarAchAryavarya prasAdena tUrNam (6)

(श्रीशङ्कराचार्यवर्यं )

Bhagavad Gita

Bhagavad Gita