SitaRama Stotram



                  Meaning by Mr. P R Ramachander                     




सीतारामस्तोत्रम्

By Sri Hanuman

अयोध्यापुर नेतारं मिथिलापुर-नायिकां
राघवाणाम् अलङ्कारं विदेहानामलङ्क्रियाम् ||

ayodhyApura netAram mithilApura nAyikAm
rAghavANAmalankAram videhAnAmalankriyAm

रघूणां कुलदीपं च निमीनां कुलदीपिकां
सूर्यवंश समुद्भूतं सोमवंश समुद्भवाम् ||

raghUNAm kuladIpam cha nimInAm kuladIpikAm
sUryavamsha samudbhUtam somavamsha samudbhavAm

पुत्रं दशरथस्याद्यं पुत्रीं जनकभूपतेः
वशिष्ठानुमताचारं शतानन्दमतानुगाम् ||

putram dasharathasyAdyam putrIm janakabhUpateh
vashiShThAnumatAchAram shatAnandamatAnugAm

कौसल्यागर्भ संभूतं विदेगर्भोदितां स्वयं
पुण्डरीक-विशालाक्षं स्फुरदिन्दीवरेक्षणाम् ||

kausalyAgarbha sambhUtam videgarbhoditAm svayam
puNDareeka-vishAlAksham sphuradindeevarekshaNAm

चन्द्रकान्ताननांभोजं चन्द्रबिम्बोपमाननाम् 
मत्त-मातङ्ग-गमनं मत्त-हंस-वधू-गताम् ||

chandrakAntAnanAmbhojam chandrabimbopamAnanAm
matta-mAtanga-gamanam matta-hamsa-vadhU-gatAm

चन्दनार्द्र-भुजामध्यं कुन्कुमार्द्र कुचस्थलीं
चापालङ्कृत-हस्ताब्जं पद्मालङ्कृत-पाणिकाम् ||

chandanArdra bhujAmadhyam kunkumArdra kuchasthaleem
chApAlankruta hastAbjam padmAlankruta pANikAm

शरणागत गोप्तारं प्रणिपाद-प्रसादिकां
कालमेघनिभं रामं कार्तस्वर-सम-प्रभाम् ||

sharaNAgata goptAram praNipAda prasAdikAm
kAlameghanibham rAmam kArtasvara sama prabhAm

दिव्य सिंहासनासीनं दिव्य-स्रग्वस्त्र-भूषणाम्
अनुक्षणं कटाक्षाभ्यां अन्योन्येक्षण-काङ्ग्क्षिणौ ||

divya simhAsanAsInam divya-sragvastra-bhUShaNAm
anukshaNam kaTAkshAbhyAm anyonyekshaNa kAnkshiNou

अन्योन्य-सदृशाकारौ त्रैलोक्यगृहदम्पती
इमौ युवां प्रणम्याहं भजाम्यद्य कृतार्थताम् ||

anyonya sadrushAkArau trailokyagruhadampatI
imau yuvAm praNamyAham bhajAmyadya krutArthatAm

अनेन स्तौति यः स्तुत्यं रामं सीतां च भक्तितः
तस्य तौ तनुतां पुण्यास्संपदः सकलार्थदा: ||

anena stauti yah stutyam rAmam sItAm cha bhaktitah
tasya tau tanutAm puNyAssampadah sakalArthadAh

एवं श्रीरामचन्द्रस्य जानक्याश्र्च विशेषतः
कृतं हनूमता पुण्यं स्तोत्रम् सद्यो विमुक्तिदं ||

evam shrIrAmachandrasya jAnakyAscha visheShatah
krutam hanUmatA puNyam stotram sadyo vimuktidam

~ Om Sri Ram Jaya Ram Jaya Jaya Ram ~

Bhagavad Gita

Bhagavad Gita