Durga Pancharatnam

Meaning

Listen to this stotram

By Sri Kanchi Chandrashekhara Saraswati Swamigal 

(Kanchi Paramacharya)

ते ध्यानयोगानुगता अपश्यन्

त्वमेव देवीं स्वगुणैर्निर्गूढाम्

त्वमेव शक्तिः परमेश्र्वरस्य

मां पाहि सर्वेश्र्वरी मोक्षदात्री (१)

te dhyAna yogAnugatA apashyan

tvam eva devIm svaguNair nirgooDAm

tvam eva shaktih parameshwarasya

mAm pAhi sarveshwarI mokshadAtrI

देवात्मशक्तिः श्रुतिवाक्यगीता

महर्षिलोकस्य पुरः प्रसन्ना

गुहा परम् व्योम सतः प्रतिष्ठा

मां पाहि सर्वेश्र्वरी मोक्षदात्री (२)

devAtmashaktih shrutivAkyagIta

maharShi lokasya purah prasannA

guhA param vyoma satah pratiShTA

mAm pAhi sarveshwarI mokshadAtrI

परास्य शक्तिः विविधैव श्रूयसे

श्र्वेताश्र्ववाक्योदितदेवि दुर्गे

स्वाभाविकी ज्ञानबलक्रिया ते

मां पाहि सर्वेश्र्वरी मोक्षदात्री (३)

parAsya shaktih vividhaiva shrUyase

shwetAshwa vAkyoditadevi durge

svAbhAvikI gyAna balakriyA te

mAm pAhi sarveshwarI mokshadAtrI

देवात्मशब्देन शिवात्मभूता

यत्कूर्मवायव्यवचोविवृत्या

त्वं पाशविच्छेदकरी प्रसिद्धा

मां पाहि सर्वेश्र्वरी मोक्षदात्री(४)

devAtma shabdena shivAtma bhUtA

yatkUrma vAyavyavacho vivrutyA

tvam pAsha vicchedakarI prasiddhA

mAm pAhi sarveshwarI mokshadAtrI

त्वं ब्रह्मपुच्छा विविधा मयूरी

ब्रह्मप्रतिष्ठास्युपदिष्टगीता

ज्ञानस्वरूपात्मतयाखिलानां

मां पाहि सर्वेश्र्वरी मोक्षदात्री (५)

tvam brahmapucchA vividhA mayUrI

brahma pratiShThAsyupadiShTa gItA

gyAna svarUpAtmatayAkhilAnAm

mAm pAhi sarveshwarI mokshadAtrI

|| इति श्री दुर्गा पञ्चरत्नं संपूर्णम् ||

iti shrI durgA pancharatnam sampUrNam