மாங்காட்டில் குடி கொண்ட தாயே

மாங்காட்டில் குடி கொண்ட தாயே

நீயாடும் விளையாடல் ஒன்றா - இன்று

நான்தானா கிடைத்தேனோ நன்றா?

சேய்வாடும் போதினிலே தாய்நீ - உன்

செயல்மறந்து நிற்பதேனோ வா நீ - உயர்

மாங்காட்டில் குடி கொண்ட தாயே - நீ

மனமிறங்கி அருள்செய்கு வாயே! - அம்மா (நீயாடும்)

சிவனோடு விளையாடல் செய்தாய் - அவன்

சினத்தாலே மாங்காட்டில் நின்றாய்

தவக்கோலம் தணல்மீது கொண்டாய் - நகர்

காஞ்சிதன்னில் மணக்கோலம் பூண்டாய் - உயர்

மாங்காட்டில் குடி கொண்ட தாயே - நீ

மனமிறங்கி அருள்செய்கு வாயே! - அம்மா (நீயாடும்)

தினந்தோறும் உனைநானும் தொழுதேன் - நீயும்

தீராத மனக்குறைகள் தீர்ப்பாய்

எனதன்னை உன் ஆடல் போதும் - நீ

ஏற்றிடனும் என்னை எப்போதும் - உயர்

மாங்காட்டில் குடி கொண்ட தாயே - நீ

மனமிறங்கி அருள்செய்கு வாயே! - அம்மா (நீயாடும்)

சிரமங்கள் நான்தருவேன் பொறுப்பாய் - அதி

சீக்கிரமே வாநீ என் பொறுப்பாய்

சிரம்தாழ்த்தி கரம்கூப்பி அழைத்தேன் - நீ

சிரித்தென்னை அணைத்தால் நான் தழைப்பேன் - உயர்

மாங்காட்டில் குடி கொண்ட தாயே - நீ

மனமிறங்கி அருள்செய்கு வாயே! - அம்மா (நீயாடும்)

பழமின்றி சென்றானே முருகன் - உன்

வரமின்றி நான்செல்லல் முறையோ

அழுகின்ற குழந்தைநான் பாராய் - உன்

அன்பாலே ஆறுதலைத் தாராய் - உயர்

மாங்காட்டில் குடி கொண்ட தாயே - நீ

மனமிறங்கி அருள்செய்கு வாயே! - அம்மா (நீயாடும்)