Chandrashekharashtakam

 

चन्द्रशेखराष्टकम्

By Sage Markandeya

चन्द्रशेखर चन्द्रशेख चन्द्रशेखरर पाहि माम् |

चन्द्रशेखर चन्द्रशेखर चन्द्रशेखर रक्ष माम् ||

chandrashekhara chandrashekhara  chandrashekhara  pAhi mAm

chandrashekhara chandrashekhara chandrashekhara  raksha mAm

रत्नसानुशरासनं रजताद्रिशृङ्गनिकेतनं 

शिन्जिनीकृत-पन्नगेश्वरमच्युतानल-सायकम् |

क्षिप्रदग्ध-पुरत्रयं त्रिदशालयैरभिवन्दितं

चन्द्रशेखरमाश्रये मम किं करिष्यति वै यमः || १||

ratnasAnusharAsanam rajatAdrishrunganiketanam

shinjinIkruta-pannageshwaramachyutAnala-sAyakam

kshipradagdha-puratrayam tridashAlayairabhivanditam

chandrashekharamAshraye mama kim kariShyati vai yamah (1)

पञ्चपादप-पुष्पगन्ध-पदाम्बुजद्वय-शोभितं

फाललोचन-जातपावक-दग्धमन्मथ-विग्रहम् |

भस्मदिग्धकलेवरं भवनाशनं भवमव्ययं

चन्द्रशेखरमाश्रये मम किं करिष्यति वै यमः || २ ||

panchapAdapa-puShpagandha-padAmbujadvaya-shobhitam

phAlalochana-jAtapAvaka-dagdhamanmatha-vigraham

bhasmadigdhakalevaram bhavanAshanam bhavamavyayam

chandrashekharamAshraye mama kim kariShyati vai yamah (2)

मत्तवारण-मुख्यचर्म-कृतोत्तरीय-मनोहरं

पङ्कजासन-पद्मलोचन-पूजिताङ्घ्रि-सरोरुहम् |

देवसिन्धु-तरङ्गशीकर-सित्तशुभ्र-जटाधरं

चन्द्रशेखरमाश्रये मम किं करिष्यति वै यमः || ३ ||

mattavAraNa-mukhyacharma-krtottarIya-manoharam

pankajAsana-padmalochana-pUjitAnghri-saroruham

devasindhu-tarangashIkara-siktashubhra-jaTAdharam

chandrashekharamAshraye mama kim kariShyati vai yamah (3)

यक्षराजसुखं भगाक्षहरं भुजङ्गविभूषणं

शैलराजसुता-परिष्कृत-चारुवाम-कलेबरम् |

क्ष्वेलनीलगलं परश्वधधारिणं मृगधारिणं

चन्द्रशेखरमाश्रये मम किं करिष्यति वै यमः || ४ ||

yakharAjasukham bhagAkshaharam bhujangavibhUShaNam

shailarAjasutA-pariShkruta-chAruvAma-kalebaram

kshvelanIlagalam parashvadhadhAriNam mrugadhAriNam

chandrashekharamAshraye mama kim kariShyati vai yamah (4)

कुण्डलीकृत-कुण्डलेश्वर-कुण्डलं-वृषवाहनं

नारदादि-मुनीश्वरस्तुत-वैभवं भुवनेश्वरम् |

अन्धकान्तकमाश्रितामर-पादपं शमनान्तकं

चन्द्रशेखरमाश्रये मम किं करिष्यति वै यमः || ५ ||

kuNDalIkruta-kuNDaleshwara-kuNDalam-vruShavAhanam

nAradAdi-munIshwarastuta-vaibhavam-bhuvaneshwaram

andhakAntakamAshritAmara-pAdapam shamanAntakam

chandrashekharamAshraye mama kim kariShyati vai yamah (5)

भेषजं भवरोगिणामखिलापदामपहारिणं

दक्षयज्ञविनाशनं त्रिगुणात्मकं त्रिविलोचनम् |

भुक्ति-मुक्ति-फलप्रदं सकलाघसंघ-निबर्हणं

चन्द्रशेखरमाश्रये मम किं करिष्यति वै यमः || ६ ||

bheShajam bhavarogiNAm akhilApadAmapahAriNam

dakshayajyavinAshanam triguNAtmakam trivilochanam

bhukti-mukti-phalapradam sakalAghasangha-nibarhaNam

chandrashekharamAshraye mama kim kariShyati vai yamah (6)

भक्तवत्सलमर्चितं निधिमक्षयं हरिदंबरं

सर्वभूतपतिं परात्परमप्रेयमनुत्तमम् |

सोमवारुण-भूहुताशन-सोमपानिल-खाकृतिं

चन्द्रशेखरमाश्रये मम किं करिष्यति वै यमः || ७ ||

bhaktavatsalamarchitam nidhimakshayam haridambaram

sarvabhUtapatim parAtparamaprameyamanuttamam

somavAruNa-bhUhutAshana-somapAnila-khAkrutim

chandrashekharamAshraye mama kim kariShyati vai yamah (7)

विश्व सृष्टि-विधायिनं पुनरेव पालनतत्परं

संहरन्तमपि प्रपञ्चमशेष-लोकनिवासिनम् |

क्रीडयन्तमहर्निशं गणनाथयूथ-समन्वितं

चन्द्रशेखरमाश्रये मम किं करिष्यति वै यमः || ८ ||

vishwa sruShTi-vidhAyinam punareva pAlanatatparam

samharantam api prapancham-asheSha-lokanivAsanam

krIDayantamaharnisham gaNanAthayUtha-samanvitam

chandrashekharamAshraye mama kim kariShyati vai yamah (8)

मृत्युभीत-मृकण्डुसूनु-कृतस्तवं शिवसन्निधौ

यत्र कुत्र च यः पठेन्न हि तस्य मृत्युभयं भवेत्

पूर्णमायुररोगतामखिलार्थ-संपदमादरं

चन्द्रशेखर एव तस्य ददाति मुक्तिमयत्नतः || ९ ||

mrutyubhIta-mrkaNDusUnu-krutastavam shivasannidhau

yatra kutra cha yah paThenna hi tasya mrutyubhayam bhavet

pUrNamAyur-arogatam-akhilArtha-sampadamAdaram

chandrashekhara eva tasya dadAti muktimayatnatah (9)

~ ॐ ~